غالبا مشا لكندا..بايتاس باقي عطلة والندوة الصحفية ديال الحكومة تلغات

التواصل الحكومي في خبر كان، الندوة الاسبوعية اللي كتكون مور اي اجتماع للمجلس الحكومي تلغات مرة أحرى والسبب هاد المرة هو الناطق الرسمي باسم الحكومة مصطفى بايتاس فعطلة هادي كثر من 10 ايام.
مصادر قالت ل "گود" بلي بايتاس مشا لكندا عند عائلتو يجلس معهم، هادي اكثر من اسبوع. لكن مصادر أخرى مقربة من الوزير لم تؤكد ولم تنفي خبر سفره الى كندا.
ماشي اول مرة كتلغا ندوة بايتاس لسبب معين، ولكن الغريب فهادشي هو أن الحكومة كتجاهل التواصل مع الرأي العام والصحافة بحيث لحدود الساعة مكاينش حتى ابلاغ للرأي العام بأن ندوة بايتاس غادي تلغا. مكاينش خبار على علاش تلغات ندوة مجلس الحكومة.
هذا اول مجلس حكومي فالدخول السياسي بدون ناطق رسمي، رغم انه كان ممكن يكون وزير اخر يعوض بايتاس الى حين عودته. تدبير كارثي للتواصل الحكومي.