الأفارقة كلهم معولين على المغرب فكأس العالم.. إقصاء نيجيريا وجنوب إفريقيا علق أمال القارة السمرا على اللبؤات فماتش قاصح مع فرنسا

صبحت أمال القارة الإفريقية وملايين الجماهير دإفريقيا معلقة على المنتخب الوطني المغربي من أجل التأهل إلى ربع نهائي كأس العالم للسيدات 2023، وهذا الشي بعد إقصاء منتخب نيجيريا اليوم الاثنين من ثمن النهائي أمام أنجلترا.
الماتش بين نيجيريا وإنجلترا كان مشوق، وللأسف النيجيريات ما استغلوش الفرص اللي جاوهم فالماتش، والنقص العددي ديال الإنجليزيات، بعد طرد اللاعبة جيميس لاورين، وسالا الوقت الأصلي من الماتش والأشواط الإضافية بالتعادل زيرو لزيرو، ومشاو اللاعبات البيلانتيات اللي عطات الرباح لأنجلترا بنتيجة 4 لجوج.
وبهذه النتيجة ودعت نيجيريا حتى هي كاس العالم من ثمن النهائي ووصلت على جنوب غفريقيا اللي حتى هي تقصات من نفس الدور، وقبل منهم زامبيا اللي تقصات من الدور الأول، ودابا أمال كرة القدم الإفريقية معلقة على المنتخب المغربي النسوي للتأهل إلى ربع النهائي من خلال ماتش الثمن غدا الثلاثاء أمام فرنسا.