اللبؤات متحمسات فالتداريب وكيوجدو مع رينالد بيدروس لفرنسا

كيواصل المنتخب الوطني المغربي للسيدات الاستعدادت لماتش ثمن نهائي كاس العالم 2023، واللي غيلعب فيه أمام منتخب فرنسا يوم الثلاثاء المقبل بمدينة أديلايد الأسترالية.
وقبل لحظات من اليوم الأحد (مع 6 لعشية بتوقيت مدينة أديلايد الاسترالية، اللي هي 9 ونص د الصباح بالمغرب)، بدات الحصة التدريبية ما قبل الأخيرة ديال المنتخب الوطني المغربي، واللي كتعرف حضور جميع اللاعبات د ليكيب ناسيونال.
اللبؤات ناشطات والمورال ديالهم طالع فالتداريب، وخدام معهم الناخب الوطني رينالد بيدروس والطاقم التقني ديالو على الرفع من مستوى اللياقة البدنية، وكذلك على إصلاح أخطأ الماتشات اللي فاتو وتقوية نقاط القوة، بالإضافة إلى دراسة المنتخب الفرنسي سوا من ناحية نقاط القوة أو الضعف ديالو، في انتظار الحصة التدريبية الأخيرة قبل الماتش، اللي غتكون غدا الاثنين.