تفاصيل جديدة ف غرق الحراگة بمليلية. ناجية: الباطيرا ديال لاگوارديا سيپيل هيا اللي دخلات فينا

قالت الناجية أميمة من حادثة غرق فلوكة فيها 11 حراگ في سواحل مليلية، الاثنين الفايت، أن الباطيرا ديال لاگوارديا سيپيل هيا اللي دخلات في الفلوكة اللي كانت فيها مع الطفل ديالها وباقي الحراگة المغاربة، حسب ما أوردته إذاعة كادينا سير الإسبانية.
وأضافت التقارير ذاتها، أن الناجية المغربية قالت في الإفادة ديالها لجمعية حقوق الإنسان، إن الرواية الرسمية الإسبانية غير صحيحة وماشي الفلوكة ديالهم اللي اصطدمات بزورق الحرس المدني، مضيفة أنه تم إنقاذ 9 حراگة من الغرق، بينما بقات هي وولدها محاصرين وسط ركام الفلوكة، قبل إنقاذهم.
وأضافت كادينا سير، أن الناجية أميمة وابنها خرجو من الصبيطار، لكن راجلها مزال في وحدة العناية المركزة، بسباب تضرر طحاله وتلف كبده، بالإضافة إلى مشاكل ف الجهاز التنفسي. وتشتبه التحريات في مسؤوليته الجنائية ف الحادث، حيث سيتم القبض عليه بتهمة ارتكاب جريمة ضد حقوق المواطنين الأجانب..
https://cadenaser.com/nacional/2023/08/03/una-superviviente-de-la-barcaza-con-migrantes-que-volco-en-melilla-desmiente-la-version-oficial-fue-la-guardia-civil-quien-choco-con-nosotros-cadena-ser