كلب بايدن جهل وخرج على السيطرة وللا كيهجم على الناس بلا سبب

كوماندر، الكلب ديال الرئيس الميريكاني جو بايدن، هجم على بزاف ديال الناس فمقر الرئاسة، وهادي هي المرة الثانية اللي الرئيس كيحصل بسباب المشاكل لي كيديرو ليه لكلاب ديالو، وهاد الحادثة جاوبو عليها مسؤولين فالإدارة الأمريكية، وقالو بللي العائلة غتاخد إجراءات باش ميتعاودش هدشي.
شبكة "سي إن إن" الأمريكية قالت إن السيدة الأولى، جيل بايدن، مقدراتش تسيطر على الكلب "كوماندر"، ملي هجم على شي راجل فالخدمة السرية.
وكالة الأنباء الفرنسية قالت أن هاد الكلب جابوه أول مرة للبيت الأبيض ف 2021، وغادي يعاودو ليه تدريب حيت دار 10 ديال لحوادث هجم فيها على بزاف ديال ناس، واحد منهم كانت حالتو خطيرة داوه لسبيطار.