الوداد سالاو الاستعدادات لماتش السد القطري بإصابة فالفريق

سالا الوداد الرياضي الاستعدادت ديالو لمواجهة فريق السد القطري فالجولة الاولى من كاس العرب، غدا الخميس بمدينة أبها السعودية.
وختم الوداد الرياضي التداريب ديالو، بإجراء حصة تدريبية أخيرة هذه العشية، وكانت وسط أجواء زوينة خالقها المدرب عادل رمزي مع المجموعة، وتركيز من اللاعبين اللي حضروا كاملين لها لكن توعت فيهم محمد أوناجم.
وما قدرش أوناجم يكمل الحصة التدريبية بسبب الإصابة، وكتحوم الشكوك حول المشاركة ديالو غدا مع الوداد ضد السد القطري، مع العلم أن الفريق محتاج للخدمات ديالو حيث هو من ركائز الواك.
وغيلعب الوداد الرياضي غدا الخميس مع السد القطري، واخا التحضيرات د الفريق ما ماكانش 100% بسبب الإكراهات اللي عاشها مع نهاية الموسم الماضي، وتغيير المدرب ورحيل لاعبين ومجيئ لاعبين جداد، راه الحمرا غتبغي تربح وتبدا كوب داراب مزيان.