خرج الرجاء متقدم على الغريم ديالو الوداد فالشوط الأول من ديربي كازا، اليوم الأحد فستاد دونور برسم دومي فينال كاس العرش. وسالا الشوط الأول بين الرجاء والوداد بتقدم الفريق الأخضر بهدف ماركاه الودادي زولا على راسو فالدقيقة 18، بعد واحد التمريرة ذكية د لاعب الرجاء محمود بنتيك خرج لها كول الواك يوسف المطيع، وملي ضرب الكرة باش يبعدها جات فصاحبو زولا ودخلت المرمى، مع العلم أن الشوط الأول بين الفريقين كانوا فيه الفرص متكافئة، حيث الفريقين بجوج جواهم فرص التسجيل، واخا الوداد ضغطت أكثر مع نهاية الجولة باش تجيب التعادل ولكن بقات النتجية لمصلحة الرجاء بواحد لزيرو. وخلال الشوط الثاني، غيكون كل من الرجاء والوداد مطالبين بتدبير المواجهة، سوا الرجاويين اللي خاصهم يقلبو يماركيو باش يعززوا النتجية أو الوداديين اللي خاصهم يجيبو التعادل على الأقل.