إلياس بنصغير فقص الفرنسيين.. نجم موناكو جا تفرج فالمنتخب الأولمبي المغربي وكيزيد يؤكد بلي غيلعب للمغرب

زاد تأكد أن الموهبة المغربية الأصل إلياس بنصغير لاعب موناكو الفرنسي، فضل يلعب بتوني بلاد الأجداد ديالو المغرب ورفض اغراءات فرنسا.
إلياس بنصغير مول 18 عام، اللي كل شي يتنبأ له بأنه غيكون عندو مستقبل كبير فكرة القدم، كمهاجم بإمكانيات كبيرة بعد اول موسم له مع موناكو، جا حضر لماتش المنتخب المغربي الأولمبي ضد مالي فدومي فينال كوب دافريك U23، وكيشجع من المنصة فالاعبين.
خطوة إلياس بنصغير، كتزيد تبين أن اللاعب قرر يلعب المنتخب الوطني المغربي، وكيتسنى اول دعوة من الناخب الوطني وليد الركراكي، ورفض اغراءات المنتخب الفرنسي واخا الإغراءات ديال الفرنسيين، وهذا الشي كيجي بعد مدة قصيرة مرة باس حط سطوري فانستغرام فيه اطفال صغار لابسين توني المنتخب المغربي.