الوداد خداو عطلة يرتاحو قبل ما يرجعو يوجدو لديربي كأس العرش

غيستافدو لاعبين الوداد الرياضي من عطلة هاد السيمانة، قبل ما يرجعو يوجدو لديربي دومي فينال كاس العرش اللي غيلعبوه مع الرجاء الرياضي.
وقرر زفين فاندنبروك مدرب الوداد الرياضي، يعطي عطلة للاعبين يرتاحو بعد الماتشات المتابعين اللي لعبوهم فعصبة أبطال إفريقيا والبطولة الاحترافية، وقرر يخليهم يرتاحو مع عائلاتهم وما يرجعو حتى لورا العيد لكبير، وحدد لهم يوم الاثنين المقبل موعد الرجوع للتداريب.
وغيرجع الوداد الرياضي بداية الأسبوع القادم يوجد لنصف نهائي كأس العرش اللي غيلعبو ضد الرجاء الرياضي يوم 9 يوليوز فدونور، وغيكون هذا الماتش فرصة أخيرة للمدرب زفين فاندنبروك مع الفريق، وراه التتويج بالكأس الفضية هو اللي يقدر يعتقو ويخليه فالوداد.