فاندنبروك: رباح آسفي مهم لنا ومازال منافسين على البطولة

أكد البلجيكي زفين فاندنبروك مدرب الوداد الرياضي أن الرباح اللي حقق الفريق على أولمبيك آسفي يوم السبت بستاد دونور، برسم الدورة 28 من البطولة الإحترافية لكرة القدم، مهم بزاف.
وتحدث زفين فاندنبروك ملي سالا الماتش بين الوداد الرياضي وأولمبيك آسفي وقال: "لعبنا مزيان فالشوط الثاني، والرباح مهم لنا وغيخلينا منافسين على اللقب، ونيفو ديالنا كيتطور من ماتش لماتش وغنزيدو نخدمو".
وربح الوداد الرياضي الضيف ديالو أولمبيك آسفي بنتجية 3 لواحد، وهذا الشي مكن الفريق من 3 ديال النقاط رفع بها رصيدو إلى 60 نقطة، وحافظ بها على فارق النقاط مع الجيش الملكي المتصدر للبطولة، ودابا الواك كيتسناو أي هفوة ليفار باش ياخذو البطولة.