ياسين بونو ربح جائزة أحسن لاعب فإشبيلية بعدما جاب كأس اليوروبا ليك

تختار الدولي المغربي ياسين بونو لكول ديال إشبيلية الإسباني، كأحسن لاعب بالفريق الأندلسي فشهر ماي الماضي، واللي ختمو بالتتويج بكاس "اليوروبا ليك".
وأعلن إشبيلة الإسباني صباح اليوم الجمعة، أن ياسين بونو هو اللي ربح جائزة أحسن لاعب بالفريق الأندلسي لشهر ماي، بعدما ساهم فالتتويج باللقب الأوروبي للمرة السادسة فتاريخ إشبيلية، ملي دار فينال كبير قبل أسبوعين ضد روما الإيطالي، وقدر يربح فريقو بالبيلانتيات.
للإشارة فالثنائي المغربي ياسين بونو ويوسف النصيري ربحو مع إشبيلية الإسباني، 2 ديال الألقاب فمسابقة اليوروبا ليك، الأول كان عام 2020 والثاني هذا العام، واللقبان بجوج كانت حاضرة فيهم البصمة ديال اللاعبين المغربيين بشكل فعال.