بونو حيح فالفينال بين إشبيلة وروما وربح الفريق الإسباني لقب جديد فاليوروبا ليك

نجح الثنائي المغربي ياسين بونو ويوسف النصيري فأنهم يربحو "اليوروبا ليك" مع فريقهم إشبيلية الإسباني، الأربعاء 30 ماي 2023، بعدما ربحو روما الإيطالي بالعاصمة المجرية بودابست.
وسالا الوقت الأصلي من الماتش بين إشبيلة الإسباني وروما الإيطالي بنتيجة التعادل الإيجابي واحد لواحد، وكانوا الطاليانيين هم الاولين اللي ماركاو بهدف ديال الأرجنتيني باولو ديبالا فالدقيقة 35، ولكن إشبيلة جابت التعادل بهدف ماركاه لاعب روما جانلوكا مامشيني على راسو فالدقيقة 55، الفريقين بعد ذلك لعبو بيلانتيات واللي عرفت تألق ياسين بونو ومنح لإشبلية الرباح بنتيجة 4 مقابل واحد.
وهذا هو اللقب السابع ديال إشبيلة الإسباني فمسابقة اليوروبا ليك، وهو اللقب الثاني ديال ياسين بونو ويوسف النصيري بعدما سبق لهم ربحوه مع إشبيلة عام 2020.