وزير العدل وهبي غايطير لفرنسا عند الطبيب ديالو الخاص وها علاش

علمت "گود" من مصدر موثوق أن عبد اللطيف وهبي، وزير العدل، غايمشي لفرنسا هاد الأيام باش يشوف طبيب ديالو للي متبع معه هادي مدة.
وهبي حسب مصدر "گود" كان عاد خرج من فترة نقاهة بعد العملية الجراحية لي دار على راسو بمصحة معروفة بالرباط، عندو موعد الطبيب على أمور أخرى معندهاش علاقة بالعملية الجراحية لي دار مؤخرا.
أول البارح فلجنة العدل والتشريع وحقوق الإنسان بمجلس النواب، طلب وهبي من أعضاء اللجنة يسرعو التصويت على مشاريع قوانين، خصوصا ديال المعهد العالي للقضاء، حيثاش عندو سفر نهار 20 فهاد الشهر وغايرجع الشهر المقبل.
وحسب مصدر "گود" حالة وهبي جيدة صحيا، ونصحوه الأطباء يرجع يدير الرياضة ويمارس الأنشطة الوزارية بشكل عادي، ولكن بخصوص الموعد لي عندو في فرنسا كان محدد مع الطبيب قبل ثلاثة أشهر (قبل الطيحة ديالو فالحمام اللي بسبابها دار عملية جراحية على الراس).