وزير العدل تحت المراقبة الطبية.. عندو عملية الخميس ومصدر ل"گود": وضعيتو ماشي صعيبة

علمت "گود" من مصدر موثوق أن وزير العدل عبد اللطيف وهبي، يخضع حاليا للمراقبة الطبية بسبب تداعيات صحية يعاني منها منذ مدة.
وحسب مصدر "گود" فوزير العدل عندو عملية جراحية يوم الخميس، وحالتو الصحية عادية غير خصو يبعد من التلفون حتى تدوز العملية.
وهبي كيعاني من hématome بعدما دار سكانير دبا كيخضع للمراقبة الطبية.
مصدر "گود" قال بلي وضعية وهبي ماشي مثيرة للقلق، وغايدير عملية جراحية بسيطة هاد الخميس، مشيرا بلي هاد l'hématome غالبا عندو علاقة بالطيحة لي طرات ليه فالحمام، لي كتبنا عليها ف"گود" سابقا.
وهبي كثرو عليه الملفات وعليه مسؤولية ثقيلة باش يدوز مشروع القانون الجنائي فحلة جديدة كتوافق مع تطور المجتمع.