قال عبد الإله بنكيران، الأمين العام لحزب العدالة والتنمية، إن ما وقع في مباراة ولوج مهنة المحاماة يعد "جريمة"، مطالبا عبد اللطيف وهبي وزير العدل بتقديم الاستقالة من منصبه. ووصف بنكيران ما حدث في كونكور المحاماة بالفاجعة، وقال: "بعد مباراة المحاماة خرجت مؤسسة الوسيط فتوى كتقول خاص تنظيم مباراة أخرى"، مضيفا: "هادي مصيبة، هاد الكونكور غايكون تحت سلطة نفس الوزير اللي متهم أنه فتح باب الكونكور لأبناء المحامين وذوي النفوذ و و". وشدد بنكيران، خلال اجتماع اللجنة الوطنية للحزب يوم أمس السبت 10 يونيو الجاري، بلي "هاد النتائج خصها تلغا ويتحمل الوزير نتائجها ويمشي بحالو". بنكيران ربط عاود هادشي بالدولة وكيقول بلي الدولة لي مهددة لأن لي وقع غادي يرد احتجاجات بشارع محمد الخامس واحتلال الملك العام كيف لقات حكومتو السابقة فاش جات. وقال بنكيران: "مكانش خص مؤسسة الوسيط تعطي توجيه للحكومة باش تنفذ"، مضيفا: "الحل كان هو تغير". ملي جا وهبي، ماعنديش معه مشكل شخصي، وملي جا كنشوفو غير المشاكل مع المحامين بسباب الضرائب وإمارة المؤمنين وقيل بلي غايمشي المرة الأولى والثانية والو، شنو السبب؟ من يحمي هذا الرجل؟ لماذا؟". بنكيران كانو معه وزراء عندهم ملفات فالقضاء ديال شبهات الفساد ورغم ذلك كيدافع عليهم وكيعطيهم يديرو تحقيقات ضد وزراء آخرين، بحال محمد مبدع وزير الوظيفة العمومية وإصلاح الإدارة لي كلفو بنكيران يحقق مع وزير الشكلاط الكروج، وبناءا على التحقيق طار الوزير الكروج من الحكومة. وزير متابع فملفات فساد ماهضرش عليه بنكيران وحتى الاعتقال ديالو الأسابيع الماضية سكت عليه بنكيران.
