الناصيري قدوة الوداديين.. رئيس الوداد طوى صفحة العصبة وصبح مقابل مسؤولياتو فكازا

عطى سعيد الناصيري رئيس الوداد الرياضي مرة أخرى المثال للاعبين د الفريق والجماهير بأن الرياضي كيطيح وكينوض، كرة القدم دائما ما كيكونو فيها انتصارات وألقاب وكذلك خسارة.
سعيد الناصيري وبعدما تقلق البارح بعد خسارة الوداد الرياضي نهائي عصبة أبطال إفريقيا أمام الأهلي المصري بحالو بحال كل الوداديين، طوى صفحة عصبة أبطال إفريقيا، وأكيد بدا كيفكر فلقب البطولة الاحترافية وكأس العرش اللي كينافس عليهم الفريق.
وتوجه سعيد الناصيري اليوم الاثنين باش يقابل المسؤوليات اللي عندو، وهو مقتنع بلي خسارة عصبة أبطال إفريقيا ماشي نهاية العالم، وأن الفريق مازال عندو ألقاب كينافس عليها، وهذا هو حال البطل كيطيح وكينوض.
ومشى سعيد الناصيري اليوم لمقر مجلس عمالة الدار البيضاء ومارس المهام ديالو بشكل عادي وطبيعي، وهو مدرك بأنه مادام هو لبريزيدون ديال الوداد الرياضي فهو المثال والنموذج لكل الوداديين، باش يتجاوزو المرحلة الصعيبة اللي كيدوز منها الفريق دابا ويعيشو حياتهم بشكل طبيعي ويجتاهدو من جديد لتحقيق الألقاب بالمستقبل.