ها بشحال تحكم على الصبليونيين اللي ضربو قاصر مغربي بالقرطاس ونشرو الفيديو فأحداث سبتة 2021

حكمت المحكمة الإقليمية في قادس على الصبليونيين اللي ضربو قاصر مغربي بالقرطاس ونشرو الفيديو ف مواقع التواصل الاجتماعي، بعد أحداث سبتة 2021، بالسجن لمدة عام. المدعي العام اعتبر التصرف ديالهم بعيد عن مشاعر الإنسانية التعاطف وطلب يتحبسو 9 سنين ومتابعتهما بجرائم التحريض على الكراهية والاعتداء، لكن القاضي حكم عليهم بالسجن لمدة عام لظروف مخففة.
وجرات الواقعة ف 18 ماي 2021 خلال أحداث سبتة، وانتشر الفيديو ديالها عبر تطبيق الواتساب، قبل ما يتدخل البوليس ويكثف من التحريات ديالو. ويكشف هوية المتورطين ف الجريمة ويشدهم ويحجز كارابين عيار 5.5 ومنظار الزوم اللي تم استعمالهما في هاذ العمل الإجرامي.
الفيديو اللي انتشر عبر شبكات التواصل الاجتماعي وأدى إلى إثارة موجة من السخرية والاستنكار، كتسمع فيه الهضرة ديال هاذ العنصرييين خلال اطلاق قرطاسة عبر بندقية هواء مضغوط مع مشهد زوم من البالكون ديال شي دار. كيبان ف الفيديو الضحية غادي مع صحابو وسط "باسيو دي لا مارينا" قبل ما يگلس ف الارض بعد ما تصاب ب القرطاسة.