ليلى البراق تتراجع عن قرار الاعتزال

أعلنت الفنانة المغربية ليلى البراق أنها تراجعت عن قرار اعتزالها المجال الفني، مؤكدة أن تجربة « ذا فويس »، ستجعلها دافعا قويا لمواصلة مسيرتها الفنية.
وقالت ليلى البراق في تدوينة نشرتها عبر صفحتها الرسمية على « انستغرام »: « التجربة اللي فاتت واللي ما توفقتش فيها ومن بعد مدة ديال الراحة واسترجاع الأنفاس خلاتني نشوف عدة جوانب ايجابية وغادي تنفعني في حياتي: اول حاجة مهما فعلنا فلن نسلم من كلام الناس هادشي علاش الانسان يرفد ألهم غير لعلاقته مع سيدي ربي ويحاول يصلح راسه وما يظلمش الناس قصدا لانه كلشي فايت و كاينين ناس عندهم ابتلاءات أكثر من انه الانسان يفشل في مسابقة او امتحان.. ».
وتابعت قولها ب: « تاني حاجة هذه التجربة زادت قواتني لأن الضربة اللي ما تقتل كتقوي نعم وقوتي اخديتها من دعمكم وحبكم اللامشروط اللي اعطاني مسؤولية أكبر باش نخدم على شي عمل جديد في المستوى اللي يخليكم تزيدوا تفتخرون بي ».
ووأنهت تدوينتها قائلة : « تالت حاجة في وقت الشدة كنعرفو الناس اللي كيبغيونا ديال بصح من الناس اللي كانوا ينافقونا وغير وقع لي مشاكل صغير ما بقاوش بانو ولا اتصلوا وأخيرا وهادي أهم حاجة واخا هدا الميدان ملوث لكن باقي الخير والدليل على ذلك التفاعل الإيجابي اللي تلقيته من عدد كبير من الفنانين المغاربة ودعمهم لموهبتي وتشجيعاتهم لي اللي خلاوني نعيد النظر ونجدد الامل في مشواري الفني المتواضع ».
يشار إلى أن البراق أقصيت من البرنامج بعدما لم تتمكن من عبور مرحلة » الصوت وبس »، ويرتقب أن يعرض مرورها في إحدى الحلقات المقبلة.