الحب الممنوع ...

هذه الكلمات مستوحاه من مسلسل العشق الممنوع ( مسلسل تركى )
أتمنى تنال اعجابكم
سامحنى .....
كنت فاكرة العمر كله انى بَحبك
كنت عايشة كدبة صنعتها بايدى
كنت عايشة راضية بيها و بحبك
نسيت ان الغرام والعشق مش بايدى
**************************
دورت فيك على كل حاجة اتحرمت منها
وانت باديك حققت أحلامى وأمالى
عيشتنى ف دنيا مقدرش أستغنى عنها
قربتنى لحقيقة أبعد من خيالى
*************************
كنت ببقى نفسى أعيش لو لحظة سنى
نفسى أشوف العالم ده كله بجنونى
كنت بكبر كل لحظة غصب عنى
وفرق السن غمضت عنه عيونى
**************************
لحد ما شفت عيون بتشد قلبى
وادين بتحضن فية وأنا واقفة بعيد
خفت وهربت لحضنك وانت جنبى
لكن فى بعدك ضعفى دا كان شئ أكيد
***************************
شد قلبى بكل كلمة من كلامه
حس بحاجات جوة منى معشتهاش
كنت فاكرة انى هقاوم اهتمامه
وأقدر أبعد وأعتبر حبه ماجاش
****************************
طول الوقت شايفة حبه من عنيه
ولهفته فى كل كلمة طالعة منه
وانت جنبى بقيت بحس بشوقى ليه
ولقيتنى بهرب من حضنك لحضنه
*************************
اعترافى ليك مش قوة منى
بالعكس دى أضعف لحظات حياتى
انى أطعن قلب كان همه يصونى
وكلمة خيانة باينة فى كلامى وسكاتى
****************************
سامحنى يمكن تلاقيلى عذر
مستاهلش منك دموع
حبيته وعشقه طعمه مر
وهو ده الحب الممنوع
الحب الممنوع