صناع فيلم "البوز" يعرون النجومية الافتراضية وزيف "السوشل ميديا"    دول الساحل تثمّن مبادرة الملك محمد السادس وتعتبرها بوابة للتنمية والانفتاح    ارتفاع مبيعات الاسمنت بنسبة 4,5 في المائة خلال الفصل الأول من سنة 2025    وسام ملكي للسيد محمد البهجة الفاعل السياحي الكبير بطنجة    العفو الدولية تندد ب"إبادة جماعية" في غزة "على الهواء مباشرة"    مدرب مؤقت لريال مدريد    إحراق 19 طنا من المخدرات و652 قرصا مهلوسا كانت محجوزة لدى الجمارك بأسفي    استئنافية خريبكة تؤيّد الحكم بسنة حبسا في حق البستاتي بسبب تدوينات مناهضة للتطبيع وداعمة لفلسطين    موظفو السجن المحلي الجديدة 2يخلدون الذكرى17لتأسيس المندوبية العامة بحضور عامل الإقليم .    انتح.ار شرطي متقاعد بالقصر الكبير    بوريطة يتباحث مع رئيس الكونغرس ومجلس الشيوخ الكولومبيين    وزير النقل: انقطاع التيار الكهربائي في إسبانيا تسبب في إلغاء رحلات جوية بالمغرب    باريس سان جيرمان يهزم أرسنال في ذهاب نصف نهائي أبطال أوروبا    ال"PSG" يُسقط أرسنال في عقر داره ويقطع شوطا نحو نهائي دوري أبطال أوروبا    روديغر مدافع الريال يعاقب بالإيقاف    نقابي: البطالة سترتفع بتطوان بعد عزم شركة إسبانية طرد أكثر من 220 عامل وعاملة    هكذا انهارت الشبكة الكهربائية لإسبانيا في خمس ثوان.. أسباب محتملة    وزارة الأوقاف تحذر من إعلانات متداولة بشأن تأشيرة الحج    93 في المائة من مياه الاستحمام بالشواطئ المغربية مطابقة لمعايير الجودة    الحرس الإسباني يغلق "نفق سبتة"    أمريكا تهنئ حزب رئيس وزراء كندا    المغرب يساعد إسبانيا على تجاوز أزمة انقطاع الكهرباء عبر تزويدها بطاقة كهربائية هامة    رئيس الحكومة يترأس اجتماعا لتتبع تنزيل خارطة طريق قطاع التشغيل    البيضاء…..ختام فعاليات الدورة السادسة من مهرجان إبداعات سينما التلميذ للأفلام القصيرة    ملتقى في الصويرة يناقش "المواسم التقليدية رافعة للاقتصاد في الوسط القروي... زوايا ركراكة نموذجًا"    القيدوم مصطفى العلوي يُكرَّم في منتدى الصحراء للصحافة بكلمة مؤثرة تلامس القلوب    البنك الدولي يتوقع انخفاض أسعار السلع الأولية إلى مستويات ما قبل كورونا    كيف يمكن لشبكة كهرباء أن تنهار في خمس ثوان؟    أورنج تهدي مشتركيها يوما مجانيا من الإنترنت تعويضا عن الانقطاع    حريق مطعم يودي بحياة 22 في الصين    إسبانيا.. ظهور السفينة الحربية المغربية "أفانتي 1800" في مراحل متقدمة من البناء    شراكة تجمع التعليم العالي و"هواوي"‬    توقعات أحوال الطقس ليوم غد الأربعاء    كاميرات ذكية ومسرح في المدارس المغربية لمواجهة العنف    "البيجيدي" يطالب بتوسيع "الانفراج الحقوقي" ويؤكد أن البناء الديمقراطي بالمغرب شهد تراجعات    المغرب يدين أكاذيب الجزائر بمجلس الأمن: هوس مرضي وتزييف الحقائق    "النهج": الحوار الاجتماعي يقدم "الفتات" للأجراء مقابل مكاسب استراتيجية ل"الباطرونا"    خبر مفرح للمسافرين.. عودة الأمور إلى طبيعتها في مطارات المغرب بعد اضطرابات الأمس    حقن العين بجزيئات الذهب النانوية قد ينقذ الملايين من فقدان البصر    اختبار بسيط للعين يكشف احتمالات الإصابة بانفصام الشخصية    دراسة: المضادات الحيوية تزيد مخاطر الحساسية والربو لدى الأطفال    الديبلوماسية الموازية مهمة جوهرية للحزب    يضرب اليوم موعدا مع تنزانيا في النهائي القاري .. المنتخب النسوي للفوتسال يحقق تأهل مزدوجا إلى نهائي كأس إفريقيا وبطولة العالم    هذا المساء في برنامج "مدارات" بالإذاعة الوطنية: المؤرخ ابن خلدون … شاعرا    أخبار الساحة    موكوينا يخلط أوراق الوداد الرياضي    تنظيم ماراتون الدار البيضاء 2025 يسند إلى جمعية مدنية ذات خبرة    خبير اقتصادي ل"رسالة 24″: القطار فائق السرعة القنيطرة مشروع استراتيجي يعزز رؤية 2035    مؤسسة المقريزي تسدل الستار على الأسبوع الثقافي الرابع تحت شعار: "مواطنة تراث إبداع وتميّز"    عودة حمزة مون بيبي : فضيحة نصب تطيح بمؤثر شهير في بث مباشر وهمي    لقاء علمي بجامعة القاضي عياض بمراكش حول تاريخ النقود الموريتانية القديمة    دراسة: متلازمة التمثيل الغذائي ترفع خطر الإصابة بالخرف المبكر    اختيار نوع الولادة: حرية قرار أم ضغوط مخفية؟    التدين المزيف: حين يتحول الإيمان إلى سلعة    مصل يقتل ب40 طعنة على يد آخر قبيل صلاة الجمعة بفرنسا    كردية أشجع من دول عربية 3من3    وداعًا الأستاذ محمد الأشرافي إلى الأبد    قصة الخطاب القرآني    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بوغطاط المغربي: علي المرابط و"بيغاسوس"... معزة ولو طارت
نشر في برلمان يوم 23 - 05 - 2022


تحية بوغطاطية للجميع،
فإطار الجولات البوغطاطية ديالي من أجل فضح الشمايت والشكامة والحاقدين على هذا الوطن، طحت على واحد المقال ديال موقع "إل إسبانيول" الإسباني من داااكشي الرفيع على لخرافة ديال "Pegasus ."
هاد المقال كتبو واحد الصحافي إسباني سميتو Brais Cedeira، متخصص فقضايا الدفاع والأمن القومي، نشر فيه شهادات عدد من خبراء الأمن السيبراني، من ضمنهم متعاونين مع جهاز الاستخبارات الإسباني (CNI).
أش قالو هاد الخبراء؟
قالولك أسيدي بأن دوك التقارير ديال مختبر Citizen Lab (لي قال عليه علي المرابط بلي مختبر مجهد بزاااف على جهاز FBI ديال ميريكان) قالو بلي دوك التقارير بخصوص التجسس على دوك 65 شخصية ديال كاتالونيا عبر برنامج بيغاسوس، مشكوك فيها وبأن النتائج لي توصل ليها خاطئة.
وواحد من دوك الخبراء، ميريكاني سميتو Jonathan Scott شرح هاد لبلان فواحد thread فتويتر ودار تجربة لي بيّن فيها بأن الأداة لي اعتمدوها مختبر Citizen Lab وAmnesty مغشوشة و ماشي مبنية على شي أساس منطقي مضبوط والنتائج لي كتعطيهم هي نتائج خاطئة.
يعني بالعربية تاعرابت... التحاليل لي دارها وكيديرها مختبر Citizen Lab ما عند باباها لا ساس لا راس، وهي مجرد احتمالات توصلو ليها بناء على منهجية لي أصلا ماشي مضبوطة (كيف قال الخبير الميريكاني، تصاب بلي كيعتمدو فقط على تقنية البحث عبر الكلمات المفتاحية Keywords) حيت لي صايبو Pegasus ولا لي صايبو برامج منافسة ليه، صايبوها بطريقة لي متخليش من موراها آثار لي تدل عليهم.
وبالنسبة للآثار الالكترونية لي كيستشهدو بيها كدليل، المخترق الحقيقي هو لي كيتعمد يخلي آثار معينة للتمويه، باش فاش الضحية يشك بلي تعرض للتجسس ويطلب يدير شي خبرة، كيطلعو ليه معطيات أصلا خاطئة... بل أخطر من ذلك، تقدر تورط جهات أخرى لا علاقة لها بالموضوع.
وهادشي لي كان أكداتو تقارير تقنية وعلمية أخرى مفادها أنه مايمكنش فأي حال من الأحوال تثبت بأن هاتف معين تعرض للاختراق عن طريق Pegasus بالضبط، لأنه تبين بلي كاين برامج أخرى ديال شركات منافسة ل NSO بحال Candiru و QuaDream و Cytrox كيستعملو نفس التقنيات. ومع ذلك ميقدر حتى شي مختبر يثبت أو يعرف نوع البرنامج لي استهدف هاتف معين وخصوصا ما عمرو غادي يقدر يعرف أشمن جهة أو الدولة مولات الفعلة.
وحتى يا سيدي إذا افترضنا جدلا أن الفحوصات ديال Citizen Lab دقيقة. ف هاد المختبر براسو هضر على حالات لي قالو بأنه تعرضو للاختراق من طرف جوج ديال البرامج مختلفين.
إيوا فهاد الحالات، واش كيعني أن الجهة لي ختارقات دوك الناس، كتستعمل أكثر من برنامج؟ هادشي طبعا ماشي منطقي لأنه إذا نجحات تتجسس على داك شخص عن طريق برنامج معين، علاش غادي تخدم برنامج آخر باش تتجسس على نفس الشخص.
وبالتالي كيبقى احتمال يكون داك الشخص مستهدف من جهتين مختلفتين، وكل وحدة فيهم عندها برنامجها. ولكن شكون هاد الجهات بالضبط؟؟ الله وأعلم.
و Citizen Lab براسو شار لهاد المسألة وقال أودي حنا منقدروش نجزمو شكون تجسس. ولكن علي المرابط هو لي عندو لخبار الصحيحة من قاع الخابية ههههههه (طبعا هادي ديال المرابط أنا لي قلتها ماشي Citizen Lab).
وهاد المسألة ديال شكون تجسس وشكون مول الفعلة، القضاء الإسباني حتى هو أكدها ماشي غير Citizen Lab، بحيث أكد أن التحقيقات لي داروها بخصوص الشكاية ديال إغناسيو سمبريرو (لعشير ديال لمرابط فحرفة تاشكامت،) لي قال فيها بأن الهاتف ديالو تعرض للتجسس عبر برنامج بيغاسوس واتهم السلطات المغربية بأنها هي لي تجسسات عليه، هاد القضاء الإسباني أكد بلي ما يمكنش يعرفو شكون تجسس على سمبريرو وما قدروش أصلا يتأكدو واش فعلا الهاتف ديالو تعرض للاختراق.
ولكن أخبار ومعطيات بحال هادي مكاتجيش على الكانة ديال الشكامة والبياعة لي حالفينها فبلادهم ومستعدين يتحالفو مع الشيطان غير باش يضربو المغرب. وعلى رأسهم علي المرابط لي رافع شعار "معزة ولو طارت" وحالف حتى المغرب هو لي تجسس على إسبانيا وعلى فرنسا وبحاااال والو يقول فالجزء الثالث ديال الفيديو ديالو بأن المغرب تجسس حتى على إسرائيل لي أصلا صنعات "بيغوسوس".
أنا بعدا ما كيبقا فيا غير الأيام والسوايع لي كيضيعها فالتسجال والمونطاج باش فاللخر يخرج لينا بدوك الخزعبلات لي معند باباهم لا ساس لا راس، فالوقت لي الصحافيين د بصح كيفتشو على الحقيقة عند متخصصين وخبراء فالميدان، ماشي كيعاودو الهضرة ديال "البوباغندا" بحال لي كيدير علي المرابط.
ولكن أنا مامستغربش من هادشي لي كيدير المرابط فهاد القضية ديال "بيغاسوس" ويتلاح فدومين ما كيفهم فيه حتى وزة، وجالس كيفلي فالخوبيرات بحال شي ميخالي باش يختار فيهم لي مصايبة على المقاس غير باش يقولها خايبة فبلادو... هادشي ما مستغربش منو، حيت نهار شفتو متيق واحد البريهيش داير فيها خبير وعميق فالتكنولوجيا، وزرفو فواحد التعليق فموقع هسبريس على أساس أنه رضا زيرق هو مولاه ولي اتهموم أنه هو دبيبينة، تما صافي غسلت يدي نيييشان.
قالك علي المرابط صحافي مستقل ومهني وعندو المصداقية والمعلومات لي كينشرها ما يمكنش تشكك فيها، بحال لي كان قال واحد المرة عشيرو الدعشوشي محمد حاجب... طبيعي غيقول عليه هاد الهضرة مادام مصايب عليه مقال باش يلمع ليه الصورة من مور ما وصلو الصهد... الإرهابي ما عمرو يقدر يقول على المرابط بلي كذاب حيت automatiquement كيعني أن حاجب كذاب فداكشي لي عاود ليه.
واخا يكون المرابط كيدافع على واحد الغلام لي كيعتبرو الإرهابي حاجب أنه يسيء للمعارضة حيت معتبرو "ملحد" وما عندوش المصداقية. ولكن هااانية المرابط غيبقى زوين فعينين حاجب وصحافي ماشي بوليسي وماشي كذاب واخا يكون كيقول على مصطفى أديب بلي إنسان نزيه وفاضح للفساد، فالوقت لي كيعتبرو حاجب والرباعة لي معاه أنه مندس وعميل "للنظام البوليسي".
لا لا بااينة بلي المرابط مكيكذبش... ولكن غير كيمارس التدليس... وما عمرو غينشر شي حقيقة لي فصالح المغرب واخا يشهد عليها العالم كامل، ولكن ما غاديش يتردد ثانية وحدة ينشر كذبة قدها قد السخط إيلا كانت غادي تسيء للمغرب واخا يكذبها العالم كامل. هادا هو علي المرابط لي خدام شكام ديال الجزائر.
ولأنه هاد الحقيقة ديال تاشكمات ديالو للجزائر كتضرو بزاااف وكتقصحو مزيييان، فهو مقدرش ميهضرش عليها وقالك حكا هادوك لي كيقولو ليا راني خدام لصالح الجزائر، يجيبو ليا خبر صحيح على الجزائر غادي نشرو هههههه تا واش كدير الصحافة ولا جالس فشي سطح كتصبن؟؟؟ ههههه قالك جيبولي الخبر نشرو ههههه أويلي يا ويلي نندب هوك ولا هوك.
و باش ساااالا معايا هي فاش قال ها نتوما الدليل أنني فاش بان الخبر ديال إدانة محمد بنحليمة بالإعدام من مور ما سلماتو إسبانيا، نشرتو وقلنا هادشي ماشي معقول. أوووولالاااا فاجأتيييني.... فركعتي قنبولة وجبتي خبر خطيييير وحصري وشوهتي النظام الجزائري قدام العالم كامل ياك؟؟
الموصيبة أنه حتى الخبر لي كان باغي يبرر بيه المرابط بلي ماشي شكام وبياع ديال الجزائر، أصلا صدق ماشي صحيح. وتبين أن الصحافة الإسبانية وحتى أمنستي مزرفة فيه، لأن الجزائر ما حكماتش على محمد بنحليمة بالإعدام وإنما ب 10 سنوات سجنا (غيابيا، فاش كان مازال فإسبانيا)، ولأن بنحليمة طعن فهاد الحكم، المحكمة أجلات القضية ديالو لنهار 22 ماي.
ولكن العسكري لي فعلا تحكم عليه بالإعدام هو قرميط بونويرة، السكريتير الخاص ديال الجنرال الراحل القايد صالح لي فضح الجنرال شنقريحة. ولكن هادي ماشافهاش الصوحافي المرابط أو دار راسو ما شفهاش.
وهذا كيعني أن المرابط كينشر الخبر بدون ما يتحقق منو... وهادي ماشي أول مرة كيديرها. وبالتالي المرابط كيدير "البروباغندا" مااااشي الصحافة على أصولها كيف كيدعي هو.
واش خبر عادي بحال هادا وماقادرش يتحقق منو وتزرف فيه كيفما تزرفات فيه الصحافة الإسبانية و"أمنستي"، عسااااك عاد يفتي فبرامج التجسس؟؟؟
ولكن حتى هادي ماشي غريبة على علي المرابط لي تلات بيه ليام ولا كينوض الموتى من القبر ويستشهد بيهم فالخرايف ديالو... أش غادي تساين من واحد كيقول على راسو صحافي كيجيب الخبر من قاع الخابية، كيصدق فالتالي جايبها من القاع نيت ولكن من قاع القبور من عند ناس ماتو وشبعو موت... وكون غير بعدا شي خبار لي مقادة وفيها الفايدة... الحاصول أبا علي... فييييق أبابا من الڭلبة راك غادي فالخسران.


انقر هنا لقراءة الخبر من مصدره.