صفحات من زجل اقليم أزيلال " أرض بلادي "

" تقياد لمقال "
جديد الكلمة الزجلية الساكنة في الأعماق
الى كل مغربي ومغربية ، الى كل منتمي للصحراء المغربية ، بمناسبة
المسيرة الخضراء المضفرة.
" أرض بلادي "
أرضي أرض النخوة
أرض النخلة والثمرة
عليها ضوات لكْمرة
عليها
شرقت شمس بلادي
يا بلادي الصحرا ، فْ عماقي
بيها نحلم ، ظاهرة كْدامي
هي عشقي وْهي تخمامي
هي روحي غنايا ، وْنشادي
فني تزمامي سطوري ، وْكتابي
حبي لباب الصحرا ، والرملة
للجمال لْمنسوخة فْ الدخلة
كْلميم الساكْية ، وْ لوادي
نهني وْنبارك بْ وْ فايا ، وْ معزتي لْوطاني
نبري وْنكافح فْ طريقي نضحي ، بْ رواحي
وْجذوري نسقيه بْ صفاوة لْخواطر ، فْ عشيتي وْصباحي
نوصل سلامي لخوتي وْنهدي ، تغرادي
نضوي طرقاني بْ لمعزة نوكْف علامي
نغني ونزغرت لحبابي الشرفة ، سعداتي
بْ جناني لْمنور فْ جنابي لْمزين ، وْقاتي
بْ عزك يا بلادي وْهمة ، جدادي...
"""""""""""""""
الزجال : عبد الرحيم يونس