مغرس : نتائج البحث عن الكاتب(ة) سهام البارودي

علاش الخليجيين ماكايترمضنوش و يتشانقو فالزناقي ؟! حيت رمضان باش تصومو فخاطرك خاصك يا إيما تكون عايش فالصحرا تفيق وقتما بغيتي و تنعس فوق مابغيتي ماتابعك والو و لا يكونو عندك الفلوس موجودة و مامفروضش عليك تفيق مع النبوري تركب فالطوبيس باش تمشي للخدمة !

فالسبعينات كانت طاحت واحد الطيارة غادة من الاوروگواي للارجنتين و هازة فرقة ديال الريگبي، ماتو فيها بزاف ديال الناس من غير سطاشر واحد لي عاشو و هادوك السطاشر واحد لي عاشو بقاو شهراين بلا ماكلة بلا نعمة وسط الجبال و الثلج حتى لقاوهم فرق الانقاذ و لكن (...)

سهام البارودي كود

10 - 03 - 2024

الهبيل و لا الهبيلة لي ناضت كايقولو ليك "حلّو لينا الحدود نمشيو" ! راه الحدود محلولة، تقدر تمشي لفلسطين و لا نيجيريا و لا ميريكان و لا الدولة لي بغيتي من غدّا ! يا الله توكّل على الله المغرب ماحابس حتى واحد لي قد على شي بلاد ينوض يمشي ليها دابا دابا !

نطالب الدولة بفتح الحدود" هاد المطلب الاحمق كنتي كاتسمعو شحال هادي غا من الفم ديال شي شمكار و لا شي شمكارة شبعان قرقوبي و كايقوليك " حلو لينا الحدود نمشيو فحالنا " ماعرفش شكون قاليهم بلي الدولة سادة الحدود عليهم ! كاتقول ماعليش بنادم ماقاريش هوا هذا (...)

سهام البارودي كود

29 - 12 - 2023

المغرب داير فحال شي مرا زوينة و لكن حشمانة تبيّن الزّين ديالها للعالم ! عندنا حشيش واعر و العالم كلّو كايهضر عليه و كايستاغلّوه فهولاندا باش يجيبو السيّاح و حنا مّالين الدّار مازال حشمانين منَو !

فاش كاتسول شي اجنبي شنو كاتعرف على المغرب ؟ كايقوليك الطاجين و الجو الزوين و مراكش و الكسكس و شنو آخر ؟ الحشيش ! الحشيش المغربي ماركة مسجلَة فالعالم كامل و خصوصا فالكوفي شوبات ديال هولاندا فين كاتلقاه محطوط فحال شي ملك وسط الانواع الاخرى ديال الحشيش (...)

سهام البارودي كود

29 - 10 - 2023

شوف على وقاحة شوف ! واش كاين شي احمق كايقول هاد الهضرة فهاد الظروف ؟ كيفاش ولد البسطاوي كايشمت فالمناطق لي ضربها الزلزال و يقول بلي الزلزال كايجي بسباب الفساد ! هادي راها سبّة و معيورة للضحايا و عائلاتهم لي مالقاو تا الخبز ياكلوه بقا ليهم غا الفساد (صور)

الانسان الطبيعي و العادي فاش كايسمع بشي كارثة طبيعية ضربات بلادو او اي بلاد اخرى راه الاحساس الطبيعي لي غايجيه هوا الخوف و الحزن و التعاطف ! و بالخصوص الى كانت بلادو ! الزلزال راه كارثة انسانية قبل ماتكون كارثة طبيعية، ناس كايموتو، عائلات كايتشردو، (...)

سهام البارودي كود

10 - 09 - 2023

بزّاف د الزماگرية مابقاوش كايجيو يدوزو الصيف فالمغرب غا بسباب العشوائية والجقير: الگارديانات صحاب ختشي خلصيني باغي نمشي والسعّاية صحاب ختشي دوقيني من الفريتش وصحاب الريسطورات ولوطيلات والديور لي كاتزاد فيهم ضلعة

المغرب عندو سياحة قوية بالمقارنة مع الدول لي فالمنطقة لي جينا فيها وايه بصح نجح أنه يخلق لراسو ماركة مسجلة فالعالم كامل! خصوصا شي مدن فحال مراكش وفاس والصويرة وأگادير راه ماكاينش شي حد ماكايعرفهمش وماكايحلمش يزورهم! لدرجة الگور كايعيقو على بعضياتهم (...)

سهام البارودي كود

13 - 08 - 2023

ها فين كاتبان قيمة الحرية وحقوق الإنسان! واخا الصّهد والتنظيم ناقص خرجو بزاف د الناس فمسيرة الفخر البارح فباريس وسط النشاط والموسيقى وأجواء احتفالية

البارح كانت مسيرة الفخر فباريس وهاد العام داروها بلا دوك الكاميونات لي موالفين كايديرو فيهم الاستعراضات باش تكون مسيرة كاتحتارم البيئة! المسيرة بدات من ساحة ناصيون ومشات حتى لريبيبليك ودازت على ساحة لاباستي! الساحات المعروفة فباريس وعندهم تاريخ عريق (...)

سهام البارودي كود

25 - 06 - 2023

گود في ضيافة محل كايبيع الكيكة على شكل قضيب في باريس

التجارة فيها المنافسة ! و باش تواجه المنافسة فسوق كبيرة و شرس خاصك الافكار ! و باش تلقى الافكار خاصك تكون انسان منفتح ! ماتبقاش ساد على راسك فالافكار الكلاسيكية ديالك ! باغي تبيع كيكة ! خاصك تفكر فشي طريقة تبيع بيها كيكة ديالك في عالم كلو كيكات ! (...)

سهام البارودي كود

08 - 06 - 2022

خطير بزاف : هاشم البسطاوي ولد محمد البسطاوي من بعد ما اعلن الاعتزال ديالو ناض كايكفّر الاساتذة ديالو فالمعهد العالي للفن المسرحي ! وا شوف الضسارة كي دايرة! غدا و لا بعدو ينوض شي مسطي يشتت ترمتو فباب المعهد فين غانوليو ؟!

شكون بغا يكون هاد هاشم البسطاوي گاع فملك الله ؟ والو ! ممثل متوسط جدا ماشفناهش كايشارك فشي اعمال كبيرة و مهمة و الاعتزال ديالو ماشي خسارة للفن فالمغرب ! آ الما و الشطابة حتى لقاع أسراس! ولكن باش يعتازل الفن و تفيق فيه ديك النعرة الظلامية و يولي باغي (...)

سهام البارودي كود

23 - 03 - 2022

كيفاش واحد سلفي مدوز السطاج فالسعودية و شبعان فلوس قطر كايهاجم المدونة لي جابها ملك البلاد و لي كاتعتابر خطوة كبيرة و مهمة فالدفاع عن حقوق المرأة و حماية الاسرة ؟

عقلتو على نهار مات العالم الكبير ستيڤن هاوكينغ و ناض واحد بولحية كتب تدوينة " نفق ملحد" دار فراسو الضحك كايدوي على عالم كبير فحالا كايدوي على بهيمة ! ايوا نفس بولحية رجع هاد الايام بتدوينات اكثر بهلوانية و من بعد ماهاجم المدرسة العمومية و ماخلا (...)

سهام البارودي كود

20 - 12 - 2021

بزاف ديال ليبازاريست و الفنادق و الرياضات و القهاوي مازال ماتعلموش من الدرس ديال كورونا بلي خاصهم يقدمو منتوج سياحي مناسب لجيوب المغاربة حيت الدوام هادا ! غي حلو عليهم شوية هوما يرجعو جاعرين باغين يضربوك فالأثمنة تاتنقز ! الكوا و الشوا

بزاف ديال الموثرين مؤخرا مشاو لتركيا ! تركيا لي ولات موضة هادي اكثر من عشر سنين، نجحات في انها تبقا فالطوندونس ديال موضة الاسفار و كلشي ولا كايحج ليها ! بلاد متقدمة ! شوارع ! طرقان ! سبيطارات ! متاحف !مولات ! وسائل نقل عمومية فالمستوى ! اماكن (...)

سهام البارودي كود

28 - 11 - 2021

كاين شي ناس من الاحسن ليهم و للمجتمع انهم يبقاو مزاليط ! حيت غي كايتزاد عليهم الريال كايوليو "طاغيات" فحال مي نعيمة مثلا لي كاتدعي على المتابعين بالسرطان و كاتستهتر بمعاناة الناس لي مصابين بيه

واحد النهار كنعقل فالليسي واحد البنت كاتقرا معايا سولات الاستاذ ديال لانفورماتيك علاش كاينين الفقراء ؟ علاش ماشي كلشي لاباس عليه و بيخير و على خير و قاليها " حيت كاينين شي ناس مايصلاح ليهم غي يكونو فقراء! ماشي فمصلحتهم و فمصلحة الناس انهم يديرو (...)

سهام البارودي كود

24 - 11 - 2021

واش نتا نبي ؟ باش ينزل عليك الوحي و دخل للتعليم على ربعين عام ؟ واش هاد التعليم قطاع لتصريف البطالة ؟ رويضة سوكور؟ راه انسان نورمال عندو مسار دراسي نورمال ثلاتة و عشرين عام كاتلقاه خدا الماستر ماشي غي الاجازة وواجد باش يدوز كونكور التعليم !

الطالب المغربي العادي لي عندو مسار دراسي عادي بلا عثرات كاياخد الباك على تمنطاشرعام و الاجازة على واحد و عشرين و لابغا يزيد راه كاياخد الماستر على ثلاتة و عشرين ! يعني ماتجي توصل لثلاتين عام من عمرك راه تسع سنين عندك تعرف فيها فين باغي تخدم و شنو (...)

سهام البارودي كود

21 - 11 - 2021

كيفاش المتطرف الكتاني لي كان محكوم عليه بعشرين عام مورا أحداث سطاش ماي الارهابية! خرج عاوتاني باش ينشر افكارو المتطرفة و تجرأ يقول على اللقاح أنه "خطير" ! واش نتا آ الكتاني جينيتيسيان ؟ ميكروبيولوجيست ؟! عندك شي لابوراطوار فالڤيلا ديالك ؟

لحد الآن التلقيح اختياري فالمغرب و فحال بزاف ديال الدول عبر العالم فأوروبا و آسيا جواز التلقيح ضروري لولوج بعض المرافق العمومية و هادا اجراء من بين بزاف ديال الاجراءات لي الهدف ديالها حماية عباد الله من الوباء ! طبعا هاد الاجراء نقدرو نتافقو معاه او (...)

سهام البارودي كود

22 - 10 - 2021

اي حاجة يمكن يديروها اليوتوبورات باش يطلعو قنواتهم حتى لدرجة انهم يغامرو بالسمعة ديال ولادهم و مستقبلهم و حياتهم! دابا شفنا زواج مراهق من مريضة نفسيا غدا غانشوفو شي جريمة لايڤ مولاها بغا يدير البوز

اليوتوب وسيلة لكسب المال هادي كلشي عارفها و بزاف ديال اليوتوبورزات فالمغرب كايفرگعو ليڤي و كايدخلو الملايين من ادسنس كل شهر و طبعا المحتوى راه كايشبه للشعب لي كايستهلكو ! الشعب فيه شوية ديال المثقفين و الناس الواعية و بزاف ديال بنادم مسالي قبو و (...)

سهام البارودي كود

11 - 10 - 2021

آ الله على راحة ! كمغربية فرحت نشوف وزيرات بلا حجاب يمثلو صورة المغرب الدولة الحداثية لي العيالات فيها ماعندهم تا عقدة من الجسد ديالهم و من شعرهم !! ولكن كانتمنى الشكل يكون كايساير المضمون ! و نشوفو الحداثة ماشي غير فالزي حتى فالقوانين

آ الله على راحة ! وزيرات الحكومة الجديدة تاوحدة فيهم مادايرة الحجاب و مغنبرة وسط الزيوف ! آ الله على راحة كانشمو شوية ريحة الحداثة و ريحة المغرب ما قبل الهجوم الوهابي ! آ الله على راحة كانشوف وزيرات كايشبهو ليا و لخواتاتي و صحاباتي ! وزيرات نبغي (...)

سهام البارودي كود

09 - 10 - 2021

واش الشعب طرد العشابة باش يجيو بلاصتهم الشلاهبية ؟ هاد مظاهر ديال التهيميج السياسي راه مالايقاش لمغرب 2021 ! رئيس جماعة مهرب مرشحين ! واحد انتحر ! وحدين مرايشين على منصب ! رئيسة كاتلوز مع الدقايقية احتفالا بالفوز ! هادشي ماكايبشرش بالخير

المغرب غادي مزيان فالاوراش التنموية ديالو ! هادشي كايبان فمجموعة من المجالات من بينها الطرقان ! هاد الصيف جربت بزاف ديال الطرقان فالمغرب و كلها تقريبا كانت مزيانة و على جودة عالية ! و حتى لي مازال خاصها الخدمة راه كايبانو ليك الورشات و اعمال التثنية (...)

سهام البارودي كود

23 - 09 - 2021

وا الرعاع راه لي مكلخ مكلخ ! و لي فاشل فاشل ! بلا ماتجيبو السبة على الفرنسية لي هي لغة جميلة و متطورة نتا مثلا دلقوشك اعوج و عندك مشكل فنطق ليڤًواييل تبغي تقول jeudi تخرج ليك Joudi راه الفرنسية غير مسؤولة عن الدلقوش الاعوج لي عندك !

الانجليزية لغة مسيطرة فالعالم و هادشي راجع لعدة أسباب ! منها ماهوا مرتبط باللغة فحد ذاتها و بالسهولة ديالها و بالغنى ديالها بالمفردات و منها عوامل خارجية غير مرتبطة باللغة بحد ذاتها بل مرتابطة بالهيمنة الاقتصادية و التكنولوجية ديال الدول لي كاتدوي (...)

سهام البارودي كود

21 - 09 - 2021

أحسن حاجة هي تحيد مادة التربية الاسلامية من المقرر كامل ماشي غير الامتحانات الإشهادية ! أو تولي مادة اختيارية ! و يتم تعويض الساعات ديالها باللغات او المواطنة او البرمجة او الموسيقى او أي حاجة تقدر تفيد التلميذ فصناعة الشخصية ديالو !

ماعمري مافهمت الصراحة علاش كانقراو التربية الاسلامية و شنو الفائدة ديالها ؟ و علاش واحد علمي مثلا باغي يدير الطب او مدرسة المهندسين مفروض عليه يقرا التربية الاسلامية و احكام الارث و التعصيب ! كاين لي غايقول ليا باش نعرفو الدين ايوا المغاربة مسلمين (...)

سهام البارودي كود

18 - 09 - 2021

غير ملي كاين شباط فالمغرب و كايمارس السياسة بهاد النيڤو الهزيل لي عندو و هاكاك مخرج عينيه و عندو الصنطيحة باش يترشح للعمودية ديال فاس العاصمة العلمية و هوا بينو و بين العلم بحر و جوج ويدان راه أي واحد فالمغرب يقدر يمارس السياسة و ينجح فيها

عمركم شفتو شي حوار فحال هاكا ! س:فلان واش كاتاكل الليمون ؟ ج: انا التقاشر لاتقطعو ليا كانخيطهم ماكانلوحهمش س: واش كاتفضل تسافر للشمال و لا للجنوب ؟ ج: الزيتون لاكان بلا عظم احسن حوار احمق ياك ! ايوا راه هذا هوا الحوار لي دار المهداوي مع شباط ! (...)

سهام البارودي كود

16 - 09 - 2021

كاينين عيالات كايتعرضو للتحرش فالحج ! كايتقرصو من تراميهم و يتحككو عليهم المكابيت فالزحام و بنادم فالمغرب مازال كايقوليك " ايوا كون كانت مستورة كون ماقربش ليها " وا راه مك يقدرو يخوروها و هي لابسة الاحرام فالحج آ بوخنونة

ماكاينة تا علاقة بين اللباس و التحرش ماكاينة تا علاقة بين اللباس و التحرش ماكاينة تا علاقة بين اللباس و التحرش هاد الجملة خاص بزاف ديال المغاربة يكتبوها ميات مرة على الله تدخل ليهم الفكرة لراسهم ! حيت التحرش الجسدي لي كايتعرضو ليه العيالات فالزنقة (...)

سهام البارودي كود

14 - 09 - 2021

العام لي جا غايلقا الاحزاب المغربية كادير الحملات ببشاعة بنادم مشارجي فالطريبورطورات و الفارگونيطات و الوسخ و عرقلة حركة السير ! سيرك عمار فاش كايكون دايز كايدوز بشكل اكثر متعة !

الحملات الانتخابية لي كانشوفها دابا مامختالفاش بشكل كبير على الحملات الانتخابية لي عقلت عليها فالتسعينات ! اغلب الوجوه لي مشاركة فيها ديال اطفال و شباب مگحطين شاوياهم الشمش و الزلط ! نفس الطريقة ديال شحال هادي ! فثلاتين عام ماتبدلات تاحاجة ! بنادم (...)

سهام البارودي كود

31 - 08 - 2021

الأصالة و المعاصرة كايوسخو الناظور بالمنشورات ديالهم : واش حزب ماقادرش حتى يأطر الناس لي كايديرو ليه الحملة و يوعيهم مايلوحوش الوراق فالطريق غادي يقنعني أنا باش نصوت عليه ؟

الأصالة و المعاصرة حاضرين بقوة فالناضور بالحملة ديالهم الانتخابية و فين مادرتي كايبانو ليك ! هادشي مزيان ولكن لي ماشي مزيان هوا الحملة ديالهم تولي مصدر تلوث فالمدينة ! تلوث بيئي و تلوث بصري ! حيت المشاركين فالحملة ديالهم كايشتتو المنشورات فالشارع (...)

سهام البارودي كود

30 - 08 - 2021

دوك الاسر فحال اسرة شباط لي كلهم باغين يديرو السياسة الأب و الأم و الإبنة واش عندهم شي شغل آخور و لا مايكسابوهش ؟ شي قراية شي حرفة شي كابيني ميديكال شي حاجة توكلهم طرف د الخبز من غير السياسة ؟

الظاهرة ديال الاسر السياسية لي كاتلقاها كلها عندها ميول سياسي كاينة فالعالم كامل ففرانسا كاينة عائلة لوبين ! فميريكان عائلة بوش فالمغرب الفاسي الفهري للمثال و ليس الحصر ...كاينين هاكا عائلات كاتلقاهم ترباو فمناخ سياسي و بالتالي هادشي كايأثر على (...)

سهام البارودي كود

27 - 08 - 2021

انا شخصيا كانشوف بلي أي واحد فرحان لطالبان و كايفونطازمي على دولة الخلافة و كدا راه ارهابي مع وقف التنفيذ ! غي الله يعز المخزن لي حابس علينا بوهبوش و الافكار الظلامية ديالو

بزاف ديال السلفيين و الخوامجية المغاربة فرحانين هاد الايام بوصول حركة طالبان للحكم فأفغانستان و عودة الظلام و التطرف لديك البلاد البعيدة لي من نهار عرفناها و هي غارقة فالجهل و التخلف و الاقصاء و الظلامية ! ماعمرنا سمعنا شي خبار زينة من افغانستان ! (...)

سهام البارودي كود

17 - 08 - 2021

كاين شي وحدين ماباغين يديرو تباعد ! ماباغين يلبسو كمامة ! ماباغين ينقصو من خيطي بيطي ! و كاعيين حيت الدولة غاتسد عليهم مع التسعود ! بنادم ماباغيش يتحمل مسؤولية الاستهتار ديالو

غانرجعو لحضر التجوال ابتداءا من التسعود ديال الليل! و هادشي كان باين بالنظر لعدد الحالات لي ارتفع بزاف فالايام الاخيرة ! و طبعا مع كل قرار و كل تشديد كايبانو البكايا ! و " خلينا ليهم الله " و "كرفصونا " ايه بصح انا كإنسانة كنت دايرة بروگرام ديال (...)

سهام البارودي كود

03 - 08 - 2021