محمذْ السادسْ (قصيدة بالأمازيغية)

ءاذِنيغْ بازْ بازْ سْ- يِري ءنو ذزيرارْ
لَلاَّ ثامورثْ ءنو ءادجَّاخو ءيثَضهارْ
ءادجَّاخو ءي ذاياسْ ءازْري ذِي غا نَخْزارْ
ما ثوحَذْ غا ثاغْزوثْ ءاوارْ خاسْ ذزيرارْ
كورْشي قاعْ ءي بَدّ رْ ءامْ ثانْدينْتْ ءام َدْشارْ
كورْشي قاعْ ياتْواسَّكْ كورْشي قاعْ ءي نَوَّارْ
محمذ السادسْ ءي بَدَّانْ خِي- جوضارْ
وياجِّي ثِنَدَّامْ وَياجِّي بورَبْحارْ
وياجِّي مارَتْشيكا وَياجِّي بويَفارْ
وَياجِّي ءاعَرْوي ءورا ذزْرو هَمَّارْ
وَياجِّي ءازْغَنْغانْ ءورا تْراثْ نْ- وذَرارْ
ءانَكَّثْ فوسْ كْ- فوسْ ءانَسْمونْ ثِزَمَّارْ
ءانَسْمونْ ءاسيرَمْ ءانَسْمونْ ءامَهْيارْ
ءانَسْمونْ ءصورافْ ءانويورْ خِي- جو ضارْ
ءانَسْمونْ ءامَازولْ ءانَسْمونْ ءاحَجَّارْ
ءانَسْمونْ ثِيواشا سَا- رْميزانْ ذْ- رَعبارْ
حوما ءانَغْ ثاشْنا، ءامَحْضارْ ءاذِغارْ
ءانَزَّرْ خْ- رَغْبَنْ ءانَزَّرْ خوسَعْقارْ
ءانَسّيغْ ثِفاوينْ ءانَسَّخْسي رَفنارْ
ءانَشَدْ ءي هارْكوسَنْ ءانِرارِ خ- ثْنَهارْ
محمذْ السادسْ ءامَزْذاكْ نْ- وَزْوارْ
ءامَزْذاكْ نْ- وورْ ءياشْثينْ ءمَعْضارْ
ءعِيزْ خْ- وورْ نَّاغْ ءي تاخْسيثْ رْخضارْ
ءاذريغْ ءاذِنيغْ سْ- يِري ءنو ذَزيرارْ
محمذْ السادسْ ءاجَدجِّيذْ ءامَهْيارْ
ذِثمورْثْ نَّغْ ءي عِزَّانْ رَذِجْ ما يَمَّنْدارْ
ءايا سذي ربي ءانِيياسْ ذِرَعمارْ
ءانِيياسْ ذِثوذارْثْ ءانيياسْ ثِزَمارْ
ناشِّينْ ءريفَيَّان رَبْدا كِذاش نَحْضارْ
ناشين خاك ن عاماذ ناشين ذاياك ن شبار
سو مزيان ذو مقران مارا غاك ثخزار
باريس يوم 16/4/10