يوميات "المكي ولد سيدي بنور"

ماتديوش عليا راه غير واحد الصبليوني صاحبي اتبخ زريعة الكويفة كتامية مع اتاي واعطاني كأس اشربتو وبديت نهتر..
هنا فاسبانيا الدمقراطية التي لايظلم عندها أحدا، منين كيوقع شي خلاف بين شي مسؤول يكون على رأس شي مجلس منتخب ديمقراطيا من طرف المواطنين وبين شي جهة من جهات السلطة التنفيذية بحال القضية ديال رئيس جماعة لوطا السيد الهنودي مع حكومة الباجدا والحكومة الموازية لها، ماشي النيابة العامة اللي كتدخل وتعتقل المسؤول المنتخب …لا القضاء الإداري هو صاحب الاختصاص وهو اللي كيفصل في مدى دستورية القرار الذي اتخذه المسؤول المنتخب من عدمه، وفي حالة يكون فيها تصرف المسؤول المنتخب منافي للدستور ومخالف للقانون يتم الغاء القرار ديالو ومريضنا ماعندو بأس. وأقصى عقوبة يمكن أن يصدرها القضاء في حقه هي أداء غرامة مالية أو الغرامة مع الحرمان من المشاركة السياسية لمدة زمنية معينة في حالة يكتسي فيها الجرم المرتكب من طرف المسؤول المنتخب صبغة الاضرار بالمصلحة العامةللبلاد.
حزب سياسي قاد مظاهرات ضد حالة الطوارئ واشحال من مسؤول دعا للعصيان ضد قرارات الحكومة..وتقول واش تحركت النيابة العامة ضدو…
مثلا في اليومين الأخيرين ناضت رئيسة حكومة مدريد الجهوية وبدأت كتفاوض مع الروس باش تشري من عندهم لقاح سبوتنيك اللي معندوش ترخيص من السلطات الإسبانية. …الحكومة ماصدرت التعليمات للنيابة العامة باش تتحرك وتعتقل رئيسة الحكومة بل فقط أصدرت بلاغ..وتصريح كيطالب بالمسؤولية في اتخاذ القرار..
ولو اصرت رئيسة حكومة مدريد علي شراء لقاح سبوتنيك كانت الحكومة ستعترض بتقديم ملتمس للقضاء يلغي الصفقة وينتهي الأمر.
المكي ولد سيدي بنور غير داوي تحت تأثير التبويقا لكل غاية مفيدة.