حزب بوكس فمليلية كيطالب السلطات تمنع المهاجرين المغاربة يدوزو فعملية مرحبا فالصيف.. كيوسخو وكيضيقو عليهم الدنيا – فيديو

خوسيه ميغيل تاسيندي المسؤول ففرع حزب بوكس فمليلية دار شي تصريحات عنصرية ضد المغاربة، وخصوصا المهاجرين اللي كيدوزو من مليلية للمغرب فالصيف باش يجيو يدوز العطلة فالمغرب.
السيد قاليك مكنربحو والو مع هاد المهاجرين، وماخاصش يبقاو يدوزو من عندنا لأنهم كيتسببو لينا فالازدحام، وطرقات مليلية طيلة عملية العبور تصبح مزدحمة، بالاضافة للتلوث بسبب ارتفاع عدد السيارات.
وزاد تاسيندي، أن المغاربة كيوسخو الدنيا، وفوق هادشي كياخذو لينا الموارد الامنية ديالنا باش تخدم معاهم، فبدل أن تقوم الشرطة والحرس المدني بعملها، كتكون مجبرة تمشي تنظم عملية العبور.