أطباء يلتمسون من المغاربة توفير المأوى لهم لتسهيل معركتهم ضد كورونا

وجه مجموعة من الأطباء العاملين بمستشفيات الدار البيضاء، نداءً لساكنة الأحياء المجاورة لمستشفى ابن رشد والهاروشي وأيضا 20 غشت، لتوفير مأوى لهم خلال هذه الظرفية الحرجة، خوفا من نقل عدوى كورونا لعائلاتهم ودويهم.
وعمم الأطباء النداء على مواقع التواصل الاجتماعي، قائلين فيه 'لي عندو فندق أو شي شقة في الأحياء المجاورة لمستشفى إبن رشد و 20 غشت و الهاروشي يسلفها لينا بينما دازت هاد المحنة'.
وجاء فيه أيضا: 'اليوم كانعيشو واحد الضغط رهيب، واحلين مابين مطرقة المرض و سندان واليدينا لي كبار فالسن و كي عانيو من أمراض مزمنة'، ديرو راسكم فبلاصتنا و تخيلو الوسواس لي كانحسو بيه كل مرة كانذخلو من الحراسة فالمستعجلات ديال ابن رشد بعد ما كانقلبو حالات مشكوك فيها و أخرى مؤكدة و ما عندك فين تمشي يا داركم يا تنعس فالطوموبيل، كين لي تا ديك الطوموبيل ما عندوش .'
'لي كانطلبو منكم هو لي عندو شي شقة في الأحياء المجاورة لإبن رشد و 20 غشت و الهاروشي يسلفها لينا بينما دازت هاد المحنة ، نداؤنا أيضا لأرباب الفنادق لي كاتصفر ، ديرو فينا هاد الخير كيف غادي نتهلاو فيكم و فواليديكم و حبابكم بالإمكانات لي عندنا ساعدونا بالإمكانات لي عندكم'، يضيف النداء.