هام:إلى شدوك البوليس أو الجوندارم بتهمة معينة هكذا يجب عليك أن تتصرف وهذه هي الحقوق التي يضمن لك القانون

إلى شدوك البوليس أو الجوندارم بتهمة معينة .. كيفاش خاصك تتصرف و شنو الحقوق لي كيضمن ليك القانون سواء كنت مدان فعلا أو بريء .. من الجديد لي جا به دستور 2011 فهاد الباب وأكد عليه قانون المسطرة الجنائية أنه أي مواطن شدوه البوليس أو الجوندارم و داروه تحت ما يسمى "بالحرسة النظرية" باش يحققو معاه عندو الحق : أولا : يعرف التهمة الموجهة ليه ( يعني ماشي يقولو ليه زيد معانا وغاتعرف علاش !!). ثانيا: عندو الحق يتصل بالمحامي ديالو أو لا يطلب من الشرطة القضائية بنفسها تعين حامي باش يقدم ليه مساعدات قانونية و يوريه ما يدير.. لأن شحال من واحد بريء و كيمشي ضحية لأنه ما عرفش شنو يقول فمحضر الاستماع ووقع على شي حاجة اللي ما دايرهاش تحت ظغط الشرطة القضائية. ثالثا: عندو الحق يتاصل بأحد الأقارب باش يساعدو. رابعا : عندو الحق يلزم الصمت و ما يصرح حتا بشي حاجة. ● طبعا إلى بان ليه شي تجاوز فاستعمال السلطة عندو الحق يقدم شكاية لوكيل الملك. ● "الحراسة النظرية" ماشي هي "الاعتقال الاحتياطي" ..الأولى كتخاذ من طرف الشرطة القضائية خلال البحث البوليسي و الثانية من لدن قاضي التحقيق خلال التحقيق الاعدادي والمرحلة القضائية.