الفقوسة جات حتى لتازة وعواجت؟

إرادة المواطن بتازة، خلال 25 نونبر، كانت واضحة، بغض النظر على نسبة المشاركة و المرشحين اللي فازوا، المهم عندنا أن المواطن اللي مشى لصناديق الإقتراع وضح أنه باغي التغيير و الوجوه القديمة صبحات مستهلكة .
واحد النائب برلماني سابق اللي ماحالفهومش الحظ ، بغا يبرر السقطة ديالو و علق شماعتو على تدخل السلطة، و بأنها كانت ضدو، بالنسبة لينا ما كيهمنا لازيد ولا عمرو ، بقدر ما كيهمنا التبريرات اللي قدمها ندوة صحفية، و صرح بلي القائد زور إيرادة المواطنين، و بالتالي هاذ القائد نجاح الخصم ديالو اللي كينتمي للنفس القبيلة ديال صاحبنا .
السؤال المطروح ، واش مرشحنا كان معول غير على قبيلتو اللي تنجحوا ؟ مع العلم أن إقليم تازة فيه أكثر من 200 ألف صوت؟ و أن مرشجنا ما قتنعش كون نتيجة اليوم ماهي إلا تحصيل حاصل للدوارات الثلاث ؟ و منين أنت متأكد بلي كاين تزوير و المنافس ديالك نجاح بدعم من القائد ، علاش ما نسقتيش معا المرشحين 17 اللي ما حلفهومش الحظ و درتو شي وقفة كيف كانوا الناس ديال إيفران باغيين يديرو ضد أوزين ديال الحركة الشعبية ؟ زيدون ، كيفاش كتأكد بلي الإنتخابات ديال 2011 على المستوى الوطني، كانت نزيهة بشهادة الناس ديال الخارج و فتازة وقع التزوير و تدخل السلطة، زعما الفقوسة جات حتى لتازة وعواجت؟