رضوان عبد السلام يطلق النار على الفئة المتباهية بالفرنسية في المغرب

انتقد رضوان عبد السلام المغاربة الذين يتحدثون باللغة الفرنسية.
وقال رضوان في تدوينة نشرها على صفحته الشخصية بموقع التواصل الاجتماعي فايسبوك، "البارح شوفت واحد المسؤول مغربي في حكومة مغربية ويعيش في المغرب ويخاطب الشعب المغربي باللغة الفرنسية !!؟ هاذ النوع كاين منو بزاااف ومؤخرا طغاو واحد الطغيان كبير."
وتابع المتحدث، "ملي نتوما كتقولو فيكم الوطنية وكتحبو هاذ الوطن، وتكلمو مع الناس ديالو باللغة ديالهم أو اللهجات ديال المغرب، واش واحدة أو واحد باين من الطيارة أنه مغربي وداخل للفندق أو مطعم أو مؤسسة أو مصحة في المغرب… ! ومع الداخلة كتكلمو معاه بالفرنسية زعما راكم واصلين وخاترين وكلاس ؟".
وأضاف قائلا، "يالتريكة دالحوماق اللغة وسيلة تواصل فقط، وكل دولة كتعتز باللغة ديالها وكتقدمها هي اللولى
وخذ هذا المثال : في أفخم فنادق اسبانيا عندهم اللغة الإسبانية اللولى حتى اذا تكلمتي معاهم بشي لغة أخرى عاد يحاولو يتواصلو معاك بديك اللغة … وهذا الأمر يوجد في جميع الدول التي تحترم نفسها وتفتخر بحضارتها ولغتها وتاريخها".
وأردف عبد السلام، "أنا ملي كنتصل أو ندخل لشي مؤسسة أو فندق أو غيره ويتكلم معايا شي حد بالفرنسية كنقوليه : واش انا مغربي وفبلادي وتتكلم معايا بالفرنسية هاذ الشي لي كتعمل راه من قلة الأدب وقلة التربية… ونعطيه علاش كيقلب".
وأشار في نهاية تدوينته إلى أنه "مزيان وجميل جدا تتعلم اللغات ولكن باش تستعملهم عند الحاجة … ماشي تتعلم جوج كلمات بالفرنسية وتبقى تتكلم بهم مع كولشي".