أنت … و صندوق المناظر

شحال من واحد معدي على حياتو
وبانيها غير بالاوهام والكذوب والنفاق
شحال من واحد تشوفو تقول هذا امير و اميرة
وفي قلبهم الف ذرة وكل ذرة تقيصها
تطيح بلا قشور وما تعطي لا بالغربال
تجبرها لا بالمكبر تشوفها غير و كان
الانسان يعيش حياتو باللي ماكان
ونسى ان حياتو هي ماشي في يد اي كان
العجيب عليك يا بنو ادام تقيس كل شي
وما تشوف راسك اشباغي في حياتك
الخداع والغدار والنفاق وبني ليا نبني عليك
وانت راياح وماشي غير في السوق
وفيه كلشي يتباع من الروائح و من المناظر
كاين اللي في وجه الصندوق يباليك واعر
وتحت الصندوق كلشي خامج
تدوق اول تفاحة تجيك لديدة
وتشوف فيها منظر اللون و النقاوا فيها
تزيد تاكل و تاكل ومن بعد
تدوق المرارة اللي فيه الصندوق
لا تغرك الدنيا ياداك الانسان
اليوم تكون في السوق وغدا
تكون هو انت السوق لا تعيش بالناس
حيت فيه كل شيء وهو شي حادي شي
وفي الاخير
تخرج من السوق وسوق راسك هو
الرابح وانت ديما في القلب دواق المداق
اللي تبغي انت ماشي اللي في
الصندوق….