قضية تعرض المنتخب المغربي للعنصرية فأويطيل بمدريد وصلات للبوليس الإسباني

توضع ملف تعرض بعثة المنتخب الوطني المغربي من طرف شي وحدين خدامين بفندق إقامة ليكيب ناسيونال بالعاصمة الإسبانية مدريد أمام الشرطة تماك.
وخرج فندق "Eurostars Madrid Towers"، كيعتذر فبلاغ له من الإساءة والعنصرية اللي تعرض له المنتخب الوطني المغربي أثناء وجبة الإفطار البارح فالاوتيل، واللي صدرت عن واحد من الخدامة اللي صور اللاعبين كيفطرو وحط الصورة بانستغرام بدا كيعير.
الفندق تبرأ من هذا السلوك وقال بلي مول الفعلة، ماشي موظف رسمي بالفندق، وأنه واحد من بين الناس اللي كيتم الاستعانة بهم باش يعاونوا إلى كان شي حدث أو كانت الخدمة بزاف، وأكد انهم جراو عليه وأن القضية وصلات البوليس.