وليد الركراكي: ها علاش زرت أنا واللاعبين د المنتخب الحبس وذوي الاحتياجات الخاصة ودار الأيتام

كشف الناخب الوطني وليد الركراكي أن الهدف من زيارة المنتخب الوطني المغربي للسجن ديال سالا واستقبال ذوي الاحتياجات الخاصة فالتداريب بمركز محمد السادس لكرة القدم بالمعمورة وزيارة دار الأيتام بمدينة طنجة، هو أن اللاعبين خاصهم يعرفوا بأن موراهم شعب خاصهم يتقاتلوا على قبلو باش يفرحوه حيث هم محظوظين لانهم كيلعبو كرة القدم.
وتحدث وليد الركراكي خلال الندوة الصحافية اللي كتسبق ماتش المنتخب الوطني المغربي والبرازيل على المبادرات الاجتماعية والإنسانية للمنتخب المغربي خلال التجمع الإعدادي الحالي وقال: "ملي سالا كأس العالم تكلمت أنا ورئيس الجامعة واتفقنا أنه خاصنا نبدلو علاقة المنتخب الوطني مع الشعب، حيث الفريق الوطني ديال الشعب وباش اللاعبين يعرفوا أن عندهم مسؤولية وبلي كانين الناس باغيين يشوفوهم".
وأكد وليد الركراكي: "اللاعبين خاصهم يعرفوا واقع الحياة وأن عندهم الزهر حيث كيلعبو كرة القدم ويعرفوا بلدهم كثر، ويقدموا مساعدات، راه الفوتبول كيبقى غير لعبة وكاينين ناس عندهم مشاكل وكاين فيهم اللي مريض وكاينين أطفال متخلى عنهم داكشي علاش غدا ملي اللاعبين غيدخلو للتيران غيعطيو كل المجهود ديالهم".