تبون طير لعمامرة من الخارجية وجاب عطاف فبلاصتو وجاب بطل اولمبي سابق لوزارة الرياضة

الرئيس الجزائري عبد المجيد تبون طير رمطان لعمامرة من الخارجية. هاد الشي علن عليه الناطق الرسمي باسم رئاسة الجمهورية الجزائرية. هاد المسؤول قال باللي وقع تعديل حكومي تعين فيه احمد عطاف وزيرا للشؤون الخارجية والجالية الوطنية بالخارج، خلفا لسابقه رمطان لعمامرة.
طبعا لعمامرة كان منافس كبير لتبون فالمستقبل. هاد الشي علاش جرا عليه وطبعا باش يغطي على هاد الشي دار تعديلات شملات وزارات اخرى. بحال المالية والتجارة وترقية الصادرات والرقمنة والاحصائيات والري.
ها اللي تعينو:
عبد العزيز فايد على راس وزارة المالية خلفا إبراهيم جمال كسالي.
عبد الرحمان حماد اللي هو بطل اولمبي سابق تعين على راس الشباب والرياضة خلفا بعبد الرزاق سبقاق.
مريم بن ميلود وزيرة للرقمنة والإحصائيات فبلاصة لحسين شرحبيل.
طه دربال فوزارة الري الجديدة