سعيد الناصيري وفر طيارة خاصة غتسافر بالوداد للكونگو باش يلعبو مع فيتاكلوب وها بروكرام الفريق

وجدت إدارة الوداد الرياضي برئاسة سعيد الناصيري جميع الظروف باش يسافر الفريق إلى الكونغو برازافيل باش يلعب مع فيتا كلوب من الكونغو الديمقراطية فالدورة 5 من عصبة أبطال إفريقيا السبت الجاي.
إدارة الوداد الرياضي وفرت طائرة خاصة للفريق الأحمر من أجل أنها تنقل البعثة الودادية مباشرة من المغرب إلى الكونغو برازافيل، وغتسافر البعثة غدا الخميس من مطار محمد الخامس بالدار البيضاء إلى برازافيل مرتاحة باش تخفف عليها ساعات السفر الطويلة.
ومن المنتظر يخوض الوداد الرياضي حصة تدريبية يوم الجمعة المقبل هي الأخيرة قبل الماتش فالتيران اللي غيتلعب فيه الماتش، ومن بعدها يلعب ضد فيتا كلوب السبت ويرجع مباشرة الفريق إلى المغرب فالطائرة اللي وفر له رئيس النادي سعيد الناصيري.