حكيمي فيوم واحد اتاهموه بالاغتصاب واختاروه مع أحسن تشكيلة فالعالم

تعزل الدولي المغربي أشرف حكيمي نجم باريس سان جيرمان الفرنسي، مع أحسن تشكيلة فالعالم لعام 2022، واللي كلها نجوم كبار فكرة القدم العالمية.
وتختار أشرف حكيمي مع أحسن 11 لاعب فالعالم، وكيشغل مركز ظهير أيمن فهاد التشكيلة العالمة اللي فيها لاعبين كبار فحال الكول البلجيكي تيبو كورتوا، والاسطورة الأرجنتيني ليونيل ميسي، والفرنسي كيليان مبابي.
وخلال تسلم الجائزة ديال تشكيلة 11 احسن لاعب فالعالم، بان بلي أشرف حكمي ما مرتاحش فحال إلى واصلاه الخبار بخصوص قضية الاتهام بالاغتصاب اللي موجهة له حسب ما كشفت وسائل إعلام فرنسية.
للإشارة وحسب صحيفة le parisien الفرنسية، فاشرف حكيمي كيواجه تهمة ديال الاغتصاب، بحيث أن السلطات الفرنسية فتحت التحقيق من بعدما بنت ديكلارات أن الدولي المغربي جابها عندو للدار واغتاصبها.