الرجاء طواو صفحة العصبة.. وبداو كيوجدو لماتش تطوان فالبطولة

غيرجع الرجاء الرياضي إلى أجواء التداريب استعدادا للعودة لمنافسات البطولة الاحترافية لكرة القدم، وماتش الثلاثاء المقبل ضد المغرب التطواني ضمن الجولة 18.
الرجاء الرياضي ومن بعدما حقق فوز مهم البارح على حوريا كوناكري الغيني فعصبة أبطال إفريقيا، غيرجع الفريق يتدرب ويستعد لمواجهة المغرب التطواني وعندو حصة تدريبية اليوم فالعشية فلاكاديمي.
الحصة التدريبية ديال الرجاء غتعرف حضور جميع اللاعبين اللي كانو فلائحة ماتش البارح ضد حوريا كوناكري الغيني، وغيغيب مكعازي وبدوي والناهيري وبولكسوت حيث موعتين، وغيركز المدرب منذر الكبير والطاقم التقني ديالو على إزالة عياء ماتش البارح من اللاعبين.
وغيسافر الرجاء الرياضي لمدينة تطوان غدا الاثنين، استعدادا للماتش ديال الخضرا ضد المغرب التطواني، وهي مباراة مهمة بالنسبة للنسور باش يزكيو النتائج الإيجابية ديالهم مؤخرا، وأيضا باش يقربو من الصدارة، خصوصا وأن المورال طالع عند الفريق حيث محقق نتائج زوينة فعصبة أبطال إفريقيا آخرها البارح ملي ربح حوريا كوناكري الغيني بهدفين لزيرو.