الوداد غيختم تداريبو استعدادا لبيترو أتليتيكو وماتش مصيري جديد كيتسنى النفتي

غيختتم الوداد الرياضي اليوم الخميس، التداريب ديالو باش يلعب مع بيترو أتلتيكو الأونكولي فالجولة الثالثة من عصبة أبطال إفريقيا لكرة القدم.
وغيخوض الوداد الرياضي حصة تدريبية أخيرة قبل الماتش، وغتكون اليوم بالليل فتيران بنجلون بكازا، وهي الحصة اللي غيحرص فيها المدرب المهدي النفتي على وضع آخر اللمسات على الفريق قبل المباراة، وتحضير اللاعبين للمواجهة المصيرية للفريق الأحمر وليه حتى هو كمدرب، حيث صبح مهدد بالإقالة بسبب النتائج والمستوى ديال الواك تحت قيادتو.
وكان الوداد الرياضي رجع من الجديدة مباشرة لكازا من بعدما ربح الدفاع الحسني الجديدي الثلاثاء الماضي فالبطولة، وتدرب البارح الأربعاء وبدا كيوجد لماتش بيترو أتلتيكو اللي مفروض عليه يربحو باش يصحح الانطلاقة ديالو فليكروب ديال العصبة من بعد الخسارة فأول ماتش مع شبيبة القبائل الجزائري.