الرابور "بوز" كلاشا وهبي ب"المسخ" وهضر على واقع الشباب المغربي: با ماشي وهبي باش يدير لي كولشي

الرابور المغربي "Pause Flow" لاح Ep بعنوانMétamorphose، وخلا عدد المحبين ديال الراب المغربي يفرحو بزاف بهاد الطراكات لي حط.
الرابور "بوز" من بين أساطير الراب المغربي، واللي معروف عليه أنه دمج بين السريالية و الانطباعية باش يوصل رسائل هادفة.
"بوز" كغيره من الرابورات للي اختاروا الراب كوسيلة جمعوا فيها بين النغمة والأنطولوجيا والأخلاقيات... عكس داكشي اللي كيروجو ليه الفنانين من الجيل السابق.
فكنلقاو أن العنوان للي اختار "بوز" مستوحى من الروائي الألماني Franz Kafka اللي كتب رواية معروفة فالقرن العشرين بعنوان The metamorphosis أو "المسخ"، وهادشي اللي كيزيد يبينو ال"artwork " اللي ختارها فالعمل ديالو واللي كتبينو نص إنسان ونص حشرة، و"التراكات" كنلقاو أنه كالعادة كيهضر على الواقع المر من منظور فلسفي وعلى حياة الشاب المغربي وعليه هو كخير مثال، عكس ولاد الأغنياء اللي لقاو واليديهم جنبهم وهنا لخصها بعبارة: "راه ماشي وهبي أنا باش نجيبها ب كان أبي".