واخا مازال فالحبس.. أول طراك "زومبي" للرابور الكناوي تصدر الطوندونس المغربي بكثر من مليون مشاهدة

واخا مازال فالحبس، مؤخرا، تحط أول طراك «zombie» من ألبوم "sarout " ديال "الكناوي"، واللي تصدر الطوندونس المغربي وفات المليون مشاهدة.
هاد الرابور اللي حاز على شعبية كبيرة وسط المحبين ديال فن الراب المغربي، حيت كايهدر بالنسبة ليهم على واقع الشعب وبعض ممثلي الحكومة، بل وكيقيس عمق إنساني عند المستمعين ديالو.
الحرية اللي تسلبات منو ما خلاتش صوتو يتقطع وهادشي اللي شفناه فال "artwork" اللي كايبان لينا فيه شخصية كاتمثل الكناوي فغرفة تحقيق مع بعض ممثلي السلطة، واخا الطراك تحط بطريقة غامضة، إلا أنه حافظ على البعد الفلسفي والرسائل المشفرة وكتابته المتميزة اللي خلاتو يتميز على الروابا اللي موجودين فالساحة. فما كان للمحبين ديالو إلا أنهم يدعيو له بإطلاق السراح فالتعليقات، ويزيدو هاشتاغ #freegnawi.