ولد الكَرية ولزعر منافسين على الطوندونس بكليبات جديدة فيوتوب -فيديوهات

لزعر وولد الكرية لي دارو أغنية “عاش الشعب” المثيرة للجدل خرجو كل واحد اغنية.
لزعر شاد البلاصة الثانية في الطوندونس المغربي بأغنية “ولاد علي بابا” لي سمعو ليها 350 ألف واحد في نهار، وموراها خرج ولد الكرية ديسك جديد كيدوي فيه باللغة العربية الفصحى بعنوان “مول التاج” ولي شافوها 100 ألف واحد في 12 الساعة.
المنافسة قوية بين هاد الروابا بعدما دارو بزاف ديال الجدل بأغنية “عاش الشعب”، في انتظار يخرج الرابور الثالث الكناوي لي مشدود فالحبس في قضية سب وشتم رجال الأمن.