ها المبادرة الإنسانية للي دار ريال مدريد قبل ما يشد الطريق للمغرب باش يلعب الموندياليتو

ريال مدريد الإسباني دارمبادرة إسبانية قبل ما يشد الطريق للمغرب باش يشارك فكأس العالم للأندية، ويلعب الأربعاء المقبل مع الأهلي المصري فنصف النهائي.
ريال مدريد الإسباني اللي جالس على عرش الألقاب العالمية كان سباق حتى فالمبادرات الإنسانية وعبر على الوقوف ديالو بجنب ضحايا زلزال هاد الصباح اللي ضرب سوريا وتركيا.
وقال ريال مدريد فميساج له: "النادي بالإدارة ديالو كيعبرو على تعاطفهم الكبير وتضامنهم مع الضحايا ديال الزلزال اللي ضرب هاد الصباح سوريا وتركيا".
وزاد ريال مدريد وكمل: "تعازينا وتعاطفنا مع أسر النادي اللي ماتو فهاد الزلزال، وكنتمناو الشفاء العاجل وراه حنا معاهم".
ومن المنتظر توصل بعثة ريال مدريد الإسباني إلى الرباط عاصمة المملكة المغربية فالساعات المقبلة، حيث الفريق عندو نصف نهائي كأس العالم للأندية الأربعاء المقبل مع الأهلي المصري فتيران الأمير مولاي عبد الله.