البام رجع المهاجري للواجهة.. رئيس الفريق البرلماني: مغاديش نفرطو فيه وغايرجع الدورة الجايا..والمنصوري: عبر على مواقف وعندو روح نضالية قوية

المكتب السياسي للبام رجعو هضرو على قضية هشام المهاجري، للي كان دار مداخلة فمجلس النواب تسببات فأزمة وسط الأغلبية، وعلى إثرها قررو تجميد عضويتو فالمكتب السياسي، غير اليوم علنو موقف جديد كيتعلق بعودة المهاجري للبرلمان ونشاطو السياسي.
وقالت فاطمة الزهراء المنصوري، رئيسة المجلس الوطني للحزب، بلي المهاجري عندو مواقف وروح نضالية قوية، وبأنه انضبط لقرارات الحزب.
من جانبه، قال رئيس فريق البام بمجلس النواب، احمد التويزي، في لقاء المكتب السياسي مع الصحافة، بأن المهاجري باقي برلماني وصديق ومغاديش نفرطو فيه.
وأكد التويزي بلي المهاجري غلط فاش دار موقف فالبرلمان وتسبب فمشكل كبير آنذاك، موضحا: "هناك ظروف والواحد خصو ينضبط، وأنه خصو يلتزم أخلاقيا بالتحالف الحكومي".