ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

البوليس ديال بريطانيا لقا جثة ديال مرا ماتت في دارها 3 سنين هادي بلا ما ينتبه ليها حتى واحد، وعائلتها اتهمات الخدمات الاجتماعية بالإهمال.
الضحية هي لورا وينهام، عندها 38 عام ومريضة بالفصام؛ هادشي خلاها كتعاني من صعوبات باش تعتاني براسها، خصوصا أنها كانت عايشة بعيدة على عائلتها.
البوليس لقا الجثة ديال الضحية على شكل هيكل عظمي بالصدفة وهو كيقلب البنايات المسدودة في بريطانيا.