الوداديين ديال المنتخب المغربي لأقل من 23 عام رجعو يتدربو مع الحمرا تحضيرا لماتش الحسنية

بدا الوداد الرياضي كيركز على ماتش الفريق ضد حسنية أكادير الجمعة المقبل، فتيران مركب محمد الخامس فكازا ضمن الجولة 12 من منافسات البطولة الاحترافية لكرة القدم، وهو ماتش غادي يتلعب ويكلو بلا جمهور، حيث الجامعة الملكية المغربية لكرة القدم عقابت الحمرا بسبب أحداث مباراة تطوان فالجولة الماضية.
وعرفت الحصة التدريبية ديال الوداد الرياضي اليوم فتيران بنجلون حضور جميع اللاعبين ديال الفريق الأحمر باستثناء المصابين جونيور صامبو وزهير المترجي، وتحت إشراف المدرب المهدي النفتي ركزت المجموعة على الجانب التكتيكي والتقني استعدادات لماتش حسنية اكادير.
الحصة التدريبية ديال الحمرا عرفت أيضا، عودة كل من عبد الله حيمود، وحمزة أيت علال، وإسماعيل المترجي، وسيف الدين بوهرة، اللي رجعو من معسكر المنتخب الوطني المغربي لأقل من 23 عام، من بعدما سمحت الجامعة الملكية المغربية لكرة القدم للاعبين ديال ليكيب ناسيونال بمغادرة المعسكر فانتظار الحسم بشكل نهائي فالمشاركة بكأس إفريقيا للمحليين بالجزائر.