من بعدما خلقو المفاجأة مع الوداد.. المحمدية خسرو مع السوالم فالبشير بنتيجة كبيرة

سقط فريق شباب المحمدية فتيران البشير أمام شباب السوالم فالماتش اللي سالا ما بين الفريقين قبل لحظات من اليوم الأحد، ضمن الجولة 11 من منافسات البطولة الاحترافية لكرة القدم.
الخسارة كانت كبيرة بالنسبة لشباب المحمدية أمام شباب السوالم وجات بنتيجة 3 الأهداف لزيرو، وسجل أهداف السوالم كل من عماد الرياحي اللي ماركا الهدف الأول من بيلانتي فالدقيقة 69، ورجع ضرب البيت الثاني فالدقيقة 77، أما الهدف الثالث فماركاه أيمن مغلوب فالدقيقة 90.
شباب المحمدية اللي حقق مفاجأة فالجولة الماضية من بعدما ربح الوداد الرياضي بطل المغرب بنتيجة 2 لزيرو، تجمد رصيدو بالخسارة ديال اليوم عند 14 نقطة وكيحتل المركز 11، شباب السوالم فرفع الرصيد ديالو إلى 16 نقطة وصعد المركز 8.