فسيمانة وحدة وفحوادث منفصلة باسبانيا: 2 مغاربة تضرب عليهم القرطاس وضحية ثالت طعنوه بجنوية وحالتو خطيرة والأسباب باقي مجهولة

فظرف سيمانة ف اسبانيا، سجلات مصالح البوليس والحرس المدني حوادث اعتداء منفصلة والضحايا ديالها مغاربة. الحادثة الأولى تضرب فيها القرطاس على مغاربة ف الأطوروت ف منطقة أليكانتي بعد ما دارو كسيدة.
ركاب الطوموبيل الأخرى، خرجو وضربو القرطاس على رجل مغربي والاخر خذا ضربة على راسو ب كرابين، على حساب ما قال موقع "20 مينوتوس". وتم نقل الضحيتين للصبيطار، ومزال الجناة مطلوبين من قبل الحرس المدني، اللي فتح تحقيق لتحديد أسباب وملابسات الحادث.
أما الحادثة الثانية، عرفات طعن مغربي عندو 20 عام بجنوية ف منطقة بوينتي جينيل بمنطقة قرطبة، حيث تم نقله إلى المستعجلات في حالة حرجة، حسب أوروبا برس. الضحية لقاوه عدد من الأشخاص، مليوح ف شارع بيلين مصاب بعدة طعنات. ولم يتم حتى الآن إلقاء القبض على مرتكب هذا الهجوم اللي ما معروفاش الخلفية ديالو..