ها حقيقة دخول 2 من جمهور الوداد بتذكرة واحدة لدونور فماتش الحمرا وشباب المحمدية هاد لعشية

راج منذ لحظات كلام على أن الماتش ديال فريق الوداد الرياضي ضد شباب المحمدية اليوم الخميس، ضمن الجولة 10 من منافسات البطولة الاحترافية لكرة القدم، غيعرف دخول كل 2 أشخاص من جمهور الحمرا لتيران المركب الرياضي محمد الخامس بورقة وحدة، وتبين أنها غير إشاعة.
وكشف مصدر من شركة "كازا إيفنت" المسؤولة على تسيير وتدبير المركب الرياضي محمد الخامس، أن ما تم الترويج له على مواقع التواصل الاجتماعي غير إشاعة وماشي صحيح، وأن ماتش الوداد الرياضي ضد شباب المحمدية فحالو فحال جميع الماتشات اللي كتقام بالمركب غادي يتم السماح فيه بدخول شخص واحد بتذكرة وحدة ماشي غيدخلو 2 أشخاص بتذكرة واحدة، أن هادشي راه ما كاينش واللي عندو تيكي بالاسم ديالو هو اللي غيدخل الملعب بوحود وما غادي يدخل معه حتى واحد.
للإشارة فإدارة الوداد الرياضي وضعت ثمن 30 درهم للجماهير الودادية مقابل الحصول على تذكرة المدرجات المكشوفة فماتش الحمرا وشباب المحمدية وثمن 120 درهم المنصة المغطاة ودارت 700 درهم المنصة الشرفية، والماتش غادي يبدا اليوم الخميس فدونور مع 8 ونصف ديال الليل.