مسكين.. النجم المغربي عز الدين أوناحي توعت

كشف عبد العزيز بوحزامة المدرب المؤقت لأنجي الفرنسي فريق الدولي المغربي عز الدين أوناحي أن الأخير موعت، دون ما يكشف مدة الغياب ديالو.
بوحزامة مدير سونطر أنجي واللي كيدرب الفريق مؤقتا، كشف خلال ندوة صحافية للنادي أن اللاعب المغربي عز الدين أوناحي موعت وقال: "أوناحي مصاب.. راه كيجي كل يوم للنادي وأنه عندو فحوصات إضافية غيديرها".
مدرب الفريق الفرنسي كمل وقال على أوناحي: "ما عارفينش بالضبط طبيعة الإصابة اللي عندو، وما عرفناش شحال ديال الوقت خاصو باش يكون قادر يلعب ومتاح الفريق".
وكتجي هذه الإصابة فالوقت اللي صبح عز الدين أوناحي مطلوب فعدد من الأندية الأوروبية الكبيرة، ومرشح بقوة باش يغادر أنجي الفرنسي فالميركاتو الشتوية الحالي، من بعد المستوى الكبير اللي قدم مع المنتخب الوطني المغربي فكأس العالم قطر 2022.