الفيفا نهار ماتش فرنسا والأرجنتين: النهائي مغاديش ينسينا التصفيق للمنتخب المغربي الأفضل فالمونديال

أكد الاتحاد الدولي لكرة القدم "الفيفا"، أن ماتش فينال كأس العالم قطر 2022، واللي غادي يجمع اليوم الأحد فالعشية بتيران "لوسيل" بالعاصمة القطرية الدوحة، ما بين فرنسا والأرجنتين ما غاديش ينسي المتتبعين فالمنتخب الوطني المغربي مفاجأة هاد الدورة، والإنجاز اللي حققوا باحتلال المركز الرابع فالبطولة.
الاتحاد الدولي لكرة القدم، وخلال التفاعل ديالو مع الأجواء اللي كتسبق فينال النسخة 18 من كوب ديموند بقطر، واللي غادي يجمع فرنسا والأرجنتين، نشر صورة المنتخب الوطني المغربي على مواقع التواصل الاجتماعي وقال: "حتى فيوم النهائي، ما غاديش ننساو التصفيق للمنتخب الإفريقي والعربي الأفضل فتاريخ كأس العالم".
للإشارة فالمنتخب الوطني المغربي غادي يكون حاضر فنهائي كأس العالم قطر 2022، بدعوة من رئيس الجامعة الملكية المغربية لكرة القدم فوزي لقجع، واللي هو أيضا، عضو بالمكتب التنفيذي للاتحاد الدولي للعبة، ومن بعدها غادي يتوجه المنتخب يرتاح بمقر إقامتو بالعاصمة القطرية الدوحة ثم يشد الطائرة الخاصة من مطر حمد الدولي بقطر إلى مطار الرباط سالا بالمغرب ومن المنتظر يوصل للمغرب غدا الاثنين.