الرجاء راسل "الفيفا" وكيطالب بتمثيل المغرب فكأس للاندية فالبلاصة اللي عطاو للأهلي المصري

طالب الرجاء الرياضي بالحق ديالو بالمشاركة فكأس العالم للأندية اللي غادي يحتضنها المغرب ما بين فاتح فبراير 2023 ويوم 11 من نفس الشهر، فالوقت اللي اختار الإتحاد الدولي لكرة القدم الفيفا والاهلي المصري باش يكون مع الوداد الرياضي بطل أفريقيا حسب مع علن عليه الفريق المصري.
وراسل الرجاء الرياضي الجامعة الملكية المغربية لكرة القدم من أجل التنسيق فقضية المشاركة فكأس العالم للأندية المقبلة اللي غتكون بالمغرب، ثم راسل الإتحاد الدولي لكرة القدم "الفيفا"، مطالبا بحقه فخوض البطولة كممثل للبلد المستضيف بصفته وصيف لبطل المغرب.
وحسب الأهلي المصري فالاتحاد الدولي لكرة القدم "الفيفا" راسل الإدارة ديالو باش ياخد مكان ممثل البلد المستضيف فكاس العالم للأندية، اللي غادي تنظم فالمغرب على اعتبار أن الوداد الرياضي بطل دوري أبطال إفريقيا والمغرب فنفس الوقت غادي يشارك فالبطولة كممثل للقارة والاهلي اللي كان وصيف له غادي ياخد بلاصة ممثل البلد المستضيف.